Nzyomweelede Kwaamba Kujatikizya Mamagazini

Ngazi Yamulindizi Feb. 1

“Notubona kujayana kucitika mazubaano, sena muyeeya kuti bubi bwabuzunda buya bubotu? [Amulindile bwiinguzi.] Amubone Bbaibbele mboli mwaamba Leza. [Amubale Intembauzyo 83:18b.] Mbwaanga Leza Ngomupatikampatila atala aanyika, sena bubi inga bwazunda ncobeni? [Amulindile bwiinguzi.] Eeyi Ngazi Yamulindizi ilapa bwiinguzi bukkazika moyo.”

Galamukani! Feb. 8

“Ndilijisi mubuzyo wakubuzya bantu boonse bakkala mumunzi uuno. Sena kuli cibi Leza ncatakonzyi kulekelela? [Amulindile bwiinguzi.] Ibbaibbele lyaamba kuti kuli cibi cimwi Leza ncatakonzyi kulekelela pe. Nkooko lino andimutondezye. [Amubale Matayo 12:31.] Imagazini eeyi ilijisi cibalo cibandika makani aaya ngotwazwaa kubala.”

Ngazi Yamulindizi Feb. 1

“Bantu banji sunu balalibilika akaambo kakutabeleka alimwi bamwi bali mukupenzyegwa kapati kumilimo. Sena muyeeya kuti cilakonzyeka ikukkomana alimwi akuliiba amulimo? [Amulindile bwiinguzi. Eelyo mubale Isaya 65:21-23.] Eeyi Ngazi Yamulindizi ilaamba kujatikizya ciindi bantu boonse nobayooba amulimo uujisi mpindu.”

Galamukani! Feb. 8

“Galamukani! eeyi ilaamba kujatikizya cilengwa cuusisya kapati cicitwa mazubaano, nkokuti ibwaamu bucitwa abana baniini. Ikupenzya bana munzila yuusisya kapati eeyi ncecintu cimwi Bbaibbele ncolisyomezya kuti ciyoomana ino-ino. [Amubale Tusimpi 2:21, 22.] Eeyi magazini ilatondezya icipa kuti bana kabajatikizyigwa mucilengwa eeci alimwi ambociyoolesyegwa.”