Masunko Oonse Ayoomana Buzuba Bumwi

Masunko alakonzya kututyompya, kwaambisya ikuti atola ciindi. Davida wakalizyi kuti sunko lyakwe ilyakali kujatikizya Mwami Saulo lyakali kuyoomana buzuba bumwi, alimwi akuti wakali kuyooba mwami kweelana ambwaakasyomezya Jehova. (1Sam. 16:13) Lusyomo lwakwe lwakamugwasya kukkazika moyo alimwi akulindila Jehova.

Ciindi notuli mumasunko, tulakonzya kubelesya busongo, luzyibo alimwi amaano kutegwa tucince bukkale bwesu. (1Sam. 21:12-14; Tus. 1:4) Nokuba boobo, mapenzi aamwi alakonzya kuzumanana nokuba kuti twacita zyoonse nzyotukonzya kweelana anjiisyo zyamu Bbaibbele. Mubukkale buli boobu, tweelede kukkazika moyo alimwi akulindila Jehova. Ino-ino uyakwaamana mapenzi oonse alimwi ‘akusindula misozi yoonse’ kumeso eesu. (Ciy. 21:4) Kufwumbwa naa penzi lyesu lyamana akaambo kacintu cimwi ncaacita Jehova naa akaambo katwaambo tumwi, ncotuzyi ncakuti: Masunko oonse alamana. Kaambo aaka kalatuumbulizya.

AMWEEBELELE KAVIDIYO KAKUTI BANTU BAKAMANTENE MUNYIKA IITAKAMANTENE, MPOONYA MWIINGULE MIBUZYO IITOBELA:

• Ino mbuyumuyumu nzi Banakristo bamwi mbobajana ku United States nkoili kumusanza?

• Mbuti mbobatondezya kukkazika moyo alimwi aluyando?

• Mbuti mbobazumanana kubikkila maano ‘kuzintu ziyandika kapati’?​—Flp. 1:10