Sena Bakamboni ba Jehova Mbabayoofwutuka Balikke?

Peepe. Mamiliyoni aabantu bakali kupona kaindi alimwi batakali Bakamboni ba Jehova bayooba acoolwe cakufwutuka. Ibbaibbele lipandulula kuti munyika mpya njaakasyomezya Leza, “kuyooba bubuke bwabantu baluleme abataluleme.” (Milimo 24:15) Kuyungizya waawo, bantu banji bacipona sunu balakonzya kutalika kubelekela Leza, alimwi abalo bayoofwutuka. Masimpe ngakuti, tuuli mulimo wesu wakusala bantu bayoofwutuka abatakafwutuki. Mulimo ooyo ngwa Jesu.—Johane 5:22, 27.