¿Jastal wa xkoltani yijel jbʼajtikon lek soka jmoj-aljeltikon bʼa kongregasyoni?

Anima tʼilan wala bʼejyitikon bʼa yoj yax kʼul, ja mal tyempo ma wan ekʼel jbʼajtikon wokol sok jelxa yajtik aytikon yuja aʼteli, ja Taʼumantiʼi mini xkaʼatikon kan ja jtsomjeltikoni, ¿jas maʼ yuj ay lek stʼilanil kujtikoni?

Yujni bʼa jlekilaltikon. Ja jekabʼanum Pablo stsʼijbʼan la «jtalna jbʼajtik ke‘ntik‘ita» sbʼaja spetsanil ja matik wa stsomo sbʼaji (Hebreos 10:24, YD). Ja yaljel talnajeli wa stojolan oj kʼot naxuk sbʼaj lek ja jastal wa xtaxye ja tuki. Ja yuj, soka jastik yala ja jekabʼanum Pablo wa xlokwani bʼa achamjkʼujoltik ja tuki. Yajni wa xnaxi sbʼaj ja tuk pamilyaʼik bʼa kongregasyoni, ti tiw wa x-ilxi jujuntik ekʼel sbʼaje wokolik, bʼobʼta oj slaj ja jastal wa x-ekʼ jbʼajtik ja keʼntiki soka jasa skʼulane ja yeʼnle bʼa kuchyujile, ja it wa xkoltani bʼa snajel jas skʼulajel ja bʼa wokoliki.

Wa xya jtaʼtik meran kamigotik. Ja bʼa tsomjelali wa xkila jbʼajtikon jastal meran kamigo jbʼajtikon. Chomajkil ayni ekʼele wa stsomo jbʼajtikon bʼa yajel ekʼuk gusto jun rato ja jsakʼaniltikoni, jastal waʼel ma elel paxyal. ¿Jasa wa skoltayotikon ja it? Wa skoltayotikon bʼa la jkʼan jbʼajtikon mas soka tuki, ja it wa xya tsatsbʼuk mas ja yajtanel kiʼojtikoni. Yajni ja jmoj-aljeltikon wa x-ekʼ sbʼaje wokol, weʼgo wala wajtikon skoltajel, pes yujni jel tsats ja yajtanel kiʼoj jbʼajtikoni (Proverbios 17:17). Yajni wa xkiʼa jbʼajtikon sok spetsanil ja matik wa stsomo jbʼajtikoni, wa xjeʼatikon wa xcham jkʼujoltikon ja tuki (1 Corintios 12:25, 26).

Wa xlokowatikon bʼa oj awamigoʼuk ja matik wa xyaʼteltaye ja Dyosi. Ja yuj, mokni awakan ay jas a-skom-a bʼa oj atsomabʼaj sok ja taʼumantiʼ jumasaʼ bʼa Jyoba, pes ja tiw ti oj ataʼ ja meran awamigoʼiki.

• ¿Jas yuj jelni lek stsomjel jbʼajtik sok ja jmoj-aljeltik bʼa kongregasyoni?

• ¿Jas kʼakʼuʼil waxa kʼana oj wajan bʼa jun jtsomjeltikon bʼa oj anaʼ sbʼaj ja matik wa stsomo sbʼaj ja tiw?