¿Tuku militlawat?
50 ¿Pi xlakgati xlatapa chu nikxni xnit anta kxakalipaxaw kKatiyatni?
Komo chuna, tlakg kakatsini wa tuku Dios wan. Kalitsakgsa nalikgalhtawakgaya Biblia (Juan 17:3; Apocalipsis 1:3).
51 Tlakg kakatsini xlakata Jesús (Deuteronomio 18:18, 19; Juan 3:16; Hechos 3:19-23).
52 Kalitsakgsa manwa tuku xatlan natlawaya chu kakgalhakgaxpatti Jehová (Romanos 6:17, 18, 22).
53 Kalakapastakti, Jehová wan nikilimakgnitkan kristianos (Éxodo 20:13; 1 Juan 3:11,12).
54 Nikilikgalhanatkan (Éxodo 20:15; Efesios 4:28).
55 Komo ni xpuskat chatum chixku ni xlitatawilat chu ni xlitatalakgxtumit, kaj watiya xpuskat xlitatalakgxtumit (Éxodo 20:14, 17; 1 Tesalonicenses 4:3).
56 ¿Lakapastaka niku kgalhlit lakpuskatin Dios mastay talakaskin natatamakgaxtokga chatum chixku? ¿Niku akglit kilhtamaku natatawila chatum chixku xpuskat tiku tamakgaxtokga? (Génesis 2:22, 24; Mateo 19:5, 6; 1 Corintios 7:2, 10, 11.)
57 Nachuna, kalakapastakti pi manwa Jehová, nakakniniyaw (Mateo 4:10; 1 Corintios 8:6).
58 Likaknin chu imágenes nila kinkamakgtayakgoyan. ¿Tuku xlakata? (1 Corintios 8:4.)
¿Pi tlan nakgalhiyaw imágenes? (Deuteronomio 27:15; 1 Juan 5:21.)
59 ¿Tuku xlakata nitlan maklakaskinkan tuku kristianos kanajlakgoy pi kgalhi litliwakga? (Deuteronomio 18:10-13; Apocalipsis 21:8.)
60 Ángeles tiku laklixkajni xtayatkan kawanikan demonios tatlankaninikgolh Dios. Chu taskujkgoy akgskgoyonanin xlakata nakaʼakgskgawi kristianos (Hechos 16:16).
61 Kilitlawanitkan oración Dios. Tlawakan oración wanputun tachiwinankan Dios, nawaniyaw pi skujnaniputunaw, chu naskiniyaw xtamakgtay (Filipenses 4:6, 7).
62 Kilikgalhakgaxmatatkan Jesús chu kilikanajlanitkan (Hebreos 5:9; Juan 3:16).
63 Kalakapastakti, Jesús nilh xlakata nakinkalakgmaxtuyan (Romanos 5:8).
64 Kalakapastakti Jesús kiMapakgsinakan, xla nila akxilhaw. Kilikgalhakgaxmatatkan (Filipenses 2:9-11; Apocalipsis 19:16).
65 Jesús wa pi wix nakalixakgatliya amakgapitsin xlakata tuku xatlan katsinipat, chu wantiku skujnaniputunkgoy Dios xlitamunutkan (Mateo 28:19, 20; Juan 4:7-15).
66 Wix tlan nakalixakgatliya tiku talalipinkgoya uma tuku xatlan (Mateo 10:32).
67 Komo wix tlan nalakgapasa letra, lhuwa tuku nakatsinitilhaya, chu chuna tlakg tlan nakamakgtayaya amakgapitsin (2 Timoteo 2:15).
68 Jesús, na kamasiyanilh laktsu kaman nakgalhakgaxmatnikgoy Dios. Xmaxtuy kilhtamaku xlakata nakatachuwinan (Mateo 19:13-15).
69 Xalaknatlatni punchuna xlimasiyanit xkaman nakgalhakgaxmatkgoy Dios chu napaxkikgoy (Deuteronomio 6:6, 7; Proverbios 6:20-22; Efesios 6:4).
70 Tipalhuwa takanajla anan chu lhuwa xtamasiyat ni xalak Biblia. Jehová kinkawaniyan pi kataxtuw takakni niku ni masiyakan tuku xaxlikana (Apocalipsis 18:4; Juan 4:23,24).
71 Jehová kgalhiy unu kKatiyatni tiku tlan namasiyanikgoyan xlakata Jehová. ¿Wix kalakgapaskgoya? (Hechos 15:14; Romanos 10:14, 15.)
72 Wa, xtatayananin Jehová. Xlakan tlan latalalin. ¿Katsiya tuku xlakata? Xlakata xlakan lapaxkikgoy (Isaías 43:10-12; Juan 13:34, 35).
73 Tamunukgoy xlakata paxkikgoy Jehová. Chuna limasiyakgoy xlakatin amakgapitsin pi makgxtakgkgonit xalixkajni latamat, chu wakg xlatamatkan skujnaniputunkgoy Dios (Hechos 2:41).
74 Xtatayananin Jehová kgalhkgalhimakgolh anta nalatamakgoy kxakastlan xakalipaxaw kKatiyatni (Salmo 37:9-11, 29).
¿Tuku militlawat, xlakata anta nakatalatapaya? (Santiago 1:22, 25; 2:20-26.)
75 Kakatsini la tlan naskujnaniya Jehová la xlakan tlawakgoy. Xlakan paxkikgoy chu kgalhakgaxmatkgoy Jehová chu Cristo Jesús. ¿Kapaxkiya wix? ¿Pi na kamakgtayaputuna amakgapitsin nalakgapaskgoy Dios? (Juan 6:45-47.)
76 Jehová chu Cristo Jesús paxkikgoyan chu lakaskinkgoy pi wix tlan nikxni naniya chu xalipaxaw nalatapaya kKatiyatni (Juan 3:16).
Akxni akxilhtita uma dibujos, chu xtamakatsin nema wi unu kfolleto, xlikana pi nikxni niputuna, chu xatapaxawan nalatapaputuna kKatiyatni. Komo tlakg katsiniputuna xlakata uma, kkawaniyan pi kaxakgatli chatum xtatayana Jehová xalak minpulatamat. Natlan namalakgachaya tatsokgni o atanu namatsokgniya anta niku tlawamaka uma folleto, niku tlakg lakatsu wix lapat. Uma tlan natekgsa xliakgti página xla uma folleto.