¿Pi kawa nakamalakgsputupara Dios kristianos tiku lixkajni xtayatkan?

22 La uku kristianos nachuna lixkajni xtayatkan. ¿Tuku nitlan tlawamaka unu?

23 Wilakgolh tiku makgnikgoy amakgapitsin kristianos. Dios wan pi uma ni litlawat (Éxodo 20:13; 1 Juan 3:11, 12).

24 Wi tiku kgalhanankgoy. Wan Dios pi ni likgalhanat (Éxodo 20:15; Efesios 4:28).

25 Wi tiku tatamakgaxtokgkgoy chalhuwa lakpuskatin. Wi tiku kaj chunata tawilakgolh, chatiy o chalhuwa lakpuskatin ktanuj tanuj chiki. Amakgapitsin akxtum latawi chu nitu latatamakgaxtokgnit. Umakgolh kristianos lakatsalakgoy tuku wan Biblia (Mateo 19:4-6; 1 Corintios 7:1-4; 1 Timoteo 3:1, 2).

26 ¿Lakapastaka pi Dios maxkilh kaj chatum xpuskat Adán? (Génesis 2:22, 24.)

27 Wi tiku kakninikgoy imágenes. Dios wan pi ni namaklakaskinaw imágenes chu talhkaxtun kkintakakninkan (Éxodo 20:4, 5; Isaías 44:9-17; 1 Juan 5:21).

28 Jehová nakamalakgsputu tiku lixkajni xtayatkan chu ni lakgpalikgoy xtapuwankan (Salmo 37:9, 10; Lucas 13:5; 1 Corintios 6:9, 10).