Takgalhtawakga 12
Kaʼaxilhwi latamat chu kgalhni la lanka xtapalh
¿Tukuntla kiliakxilhatkan latamat? (1) ¿Chu tiku makgan kskgata? (1)
¿Tukuntla limasiyakgoy kstalaninanin Cristo pi kuentajtlawakgoy nitu tuku nalaniy achatum kristiano? (2)
¿Pi nitlan kamakgnikan animales? (3)
¿Tuku tlawakgoy kristianos nema limasiyakgoy pi ni paxkikgoy xlatamatkan? (4)
¿Tuku xtamapakgsin Dios xlakata kgalhni? (5)
¿Pi na kilhchanima tiku wilinikan kgalhni? (6)
1. Jiova kinkamaxkiyan latamat. Katuwa tuku chu tiku lama wa lakliniy xlatamat (Salmo 36:9). Latamat lanka xtapalh kxlakatin Jiova. Nachuna xlatamat ktsu skgata nema nina alakachin nema kxpan xtse wi na lanka xtapalh kxlakatin Jiova. Kxlakatin Dios nitlan luj chuna namakgnikan ktsu skgata nema kajku stakma kxpan xtse (Éxodo 21:22, 23; Salmo 127:3). ʼakglhuwit. Pero komo naniy, xlatamat nalixokgoy latamat nema makgnilh».
2. Wantiku xaxlikana kstalaninanin Cristo katsikgoy pi xlakaskinka nakuentajtlawakgoy xlakata ni tuku nalanikgoy. Xlakan liwana kaxtlawakgoy xputlawkan chu xchikkan xlakata nitu naliakgspulakgoy (Deuteronomio 22:8). Kskujnanin Dios ni kalijikua wilikgoy xlatamatkan kaj xatapaxawan o kaj xlakata takgaman. Wa xlakata ni kgamanankgoy niku lachipakan o lakgaxikan anta niku luj chuna tlawakan lamasipanikgoy. Na ni lilakgastanankgoy tuku tlakg lixkajni nakamalikatsini (Salmo 11:5; Juan 13:35).
3. Kimalakatsukinakan na lanka xtapalh akxilha xlatamat animales. Wa kstalanina Cristo tlan namakgniy animales xlakata naway, nalilhakganan, na tlan namakgniy komo animal tlawaniputun tuku nitlan o makgatatatlaputun (Génesis 3:21; 9:3; Éxodo 21:28). Pero nitlan katlawanikan tuku nitlan animales o kamakgnikan kaj xlakata nakalikgamanankan o kaj nalilakgastanankan (Proverbios 12:10).
4. Tiku xkuliy o lakgtsakgay axkut o way droga kaj xlakata tlan nalimakgkatsiy, tama ni xlitlawatkan kstalaninanin Cristo. Umakgolh talismanin nitlan, xlakata 1) ʼakgtum lismaniy tiku maklakaskin uma, 2) ʼakgti tlawaniy nitlan xtiyatliwa chu 3) ʼakgtutu laklixkajni (Romanos 6:19; 12:1; 2 Corintios 7:1). Xlakata namakgxtakga umakgolh talismanin max snun tuwa namakgkatsiya, pero komo makgapaxawaputuna Jiova milimakgxtakgat.
5. Kgalhni na lanka xtapalh xlakatin Dios. Dios wan pi latamat, anta wi kkgalhni. Wa xlakata nitlan wakan kgalhni. Na nitlan wakan xaliway tantum animal nema nitu liwana makganikanit xkgalhni. Komo tantum animal pixpitamakgnika o kakgtalat nilh, nitlan wakan. Komo kaj limakgnika akgtum litalatni, lakapala namalakgstajayaw xkgalhni xlakata tlan nawayaw (Génesis 9:3, 4; Levítico 17:13, 14; Hechos 15:28, 29).
6. ¿Pi nitlan nakinkawilinikanan kgalhni? Kalakapastakti pi Jiova kinkalimapakgsiyan pi ni namakglhtinanaw kgalhni. Uma wamputun niniku natamaknuyaw kgalhni kkimaknikan xkgalhni achatum nipara kilakan komo wija niku xwilikanit (Hechos 21:25). Wa xlakata tiku xaxlikana kstalaninanin Cristo ni mastakgoy talakaskin nakawilinikan kgalhni. Pero mastakgoy talakaskin nakawilikan atipatu likuchun nema ni kgalhiy kgalhni. Xlakan paxkikgoy latamat pero ni makgxtakgkgoy xlimapakgsin Dios kaj xlakata nalilakgmaxtukgoy xlatamatkan (Mateo 16:25).
[Dibujos xla página 25]
Dios napaxuway komo ni natamastayaw nakinkawilinikanan kgalhni, ni naxkuliyaw, na ni kalijikua nawiliyaw kilatamatkan komo ni xlakaskinka