Tiku xʼamigo Dios tlawakgoy tuku xatlan

Akxni kgalhiya chatum amigo wa tiku lakgachixkuwiliya, la xlaʼ wamputuna. Biblia wan: “Dios snun tlan katsi y tankswa ixtalakapastakni” (Salmo 25:8, S). Xlakata xʼamigo Dios, tlan nalikatsiyaw chu akgstitum nalatamayaw. Biblia wan: “Laki luu xkamanan nalitaxtuyatit pus wa kakgalhipututit xatlan mintalakapastaknikan chuna kumu la xla kgalhiy akxtum kalapaxkitit” (Efesios 5:1, 2). Kauxilhti lantla tlan la Jiova nawanaw:

Nakamakgtayayaw latamanin. “Wantu tlan kakaliskujwi latacha tikuya.” (Gálatas 6:10.)

Tlan skujna nawana. “Tiku la xapulh xkgalhanan pus chu niaj kakgalhanalh wata katsukulh skuja laki chuna namakgtasiyutilhay wantu naliskuja.” (Efesios 4:28.)

Xaskulunku xliwanat mimakni chu mintayat. “Nitu tilimaxkajwaniyaw kimaknikan xawa kilistaknikan wata kaxmanwa akgatiyuj kalilaw lata laku tlan nalimakgapaxuwayaw Dios y laku tlan namapekgsinan nak kilatamatkan.” (2 Corintios 7:1.)

Kapaxki chu kalakgachixkuwili miʼfamilia. “Lata chatunu chatunu [...] kapaxkitit mimawinakan chuna kumu lamekstukan paxkiyatit [...] nachuna xalakpuskatin katakgalhakgaxmatli [...] [xchixku, NM]. [...] Kamanan [...] kakakgalhakgaxpattit [...] mintlatkan xawa mintsikan.” (Efesios 5:33-6:1.)

Kapaxkikgo latamanin. “Akxtum kalapaxkiw [...] porque wa Dios tapaxkit.” (1 Juan 4:7.)

Kakgalhakgaxpatti xlimapakgsin min pulatamat. “Putum wixinin kamininiyan nakgalhakgaxpatatit wantu talimapekgsinan [...]. Kakamaxkitit wantu lakgchan [...]. Wanti matajinan xlakata lilakgaxokgonut kamaxkitit mililakgaxokgonkan.” (Romanos 13:1, 7.)