Tuku litsuku

Likgalhtawakga Xtastakyaw Biblia kamakgtaya kstalaninanin Cristo tlawaka xlakata namakgtayayan nakatsiya tuku natlawaya akxni wi tuku titaxtupat kmilatamat chu tlakg lakapala natekgsa textos xalak Biblia. Nachuna namakgtayayan nakatsiya tuku textos xalak Biblia tlan nakalimakgpuwantiniya amakgapitsin chu tlan nakamakgtayaya nalaksakkgo tuku namakgapaxuwa Jehová. Kaputsa títulos nema katsiputuna chu anta naʼakxilha pi limin takgalhskinin chu makgapitsi liʼakxilhtit nema takilhtiyakgonit kBiblia (kaʼakxilhti recuadro «¿La tlan namaklakaskina uma libro?»). Lakapala nakatekgsa texto nema lu makgpuwantininan chu laktlan tastakyaw nema takilhtiyanit kxTachuwin Dios, nema namakgtayayan wix chu nema tlan namaklakaskina xlakata nakamakgtayaya amakgapitsin.

¿La tlan namaklakaskinaw uma libro?

Xlakata tlan natekgsa tuku putsapat, kalimaklakaskinti buscador o kalaksakti akgtum tema. Uma likgalhtawakga litapitsinit pulaktujun temas: Tuku tuwa, La likatsikan, Congregación, Kilatamatkan, Familia, Takanajla chu Tayat. Tlan natekgsa tuku putsapat kxtipakgalhu umakgolh temas. Komo napitaniya akgtum tema, lhuwa títulos nataxtukgo. Kalaksakti tuku wix katsiputuna. Pero komo ni liwana katsiya niku wi tuku putsapat, kapit niku wan Putum títulos chu kapitani. Kpulakatunu títulos limin subtítulos nema xalakgtsitsakga letra litlawakanit: makgapitsi takgalhskinin chu amakgapitsi ni. Kaputsa textos nema wilakgo anta chu kalilakpuwanti. Makgapitsi tapapitsikgonit xlakata ni tuwa natekgsa tuku putsapat. Chu niku wan «Na kaʼakxilhti» liminkgo textos nema watiya lichuwinan tuku wan título. Chu «Liʼakxilhtit xalak Biblia» limin makgapitsi textos nema wi tuku lu xlakaskinka kinkamasiyanikgoyan chu kinkamakgtayakgoyan kkilatamatkan.

Uma likgalhtawakga ni limin putum textos nema lichuwinankgo pulakatunu temas. Wata limin tuku namakgtayayan xlakata wix tlakg naputsanana (Pr 2:1-6). Komo tlakg lakputsananiputuna, kalimaklakaskinti referencias marginales chu notas de estudio xaʼespañol nema limin La Biblia. Traducción del Nuevo Mundo. Na tlan nalimaklakaskina Liputsan xla xtatayananin Jehová o Índice de las publicaciones Watch Tower xlakata tlakg nakatsiniya tuku kilhchanima akgtum texto chu la tlan nalilatapaya. Xlakata wi xalaksasti taʼakgatekgsni, kaputsa likgalhtawakga nema tlakg xasasti taxtukgonit.

Klakaskinaw pi uma likgalhtawakga namakgtayayan tlakg nalakgapasa chu naʼakgatekgsa xTachuwin Dios chu nakgalhiya xliskgalala. Chuna la tlakg namaklakaskina uma likgalhtawakga, liwana nakatsiya pi «xtachuwin Dios xastakna chu lhuwa litliwakga kgalhi» (Heb 4:12).