Akxni niy tiku paxkiyaw
¿Tuku liʼakxilhtit xalak Biblia limasiya pi ni talakgalhin lipuwankan akxni niy tiku lu paxkiyaw?
Gé 23:2; 24:67; 37:34, 35; 42:36; Jn 11:19, 31, 33-36
Na kaʼakxilhti 2Sa 1:17-27; Hch 9:36-39.
¿Tuku likatsiyaw pi Jehová kamakgoxamixiputun tiku lipuwamakgolh xlakata nilh tiku lu xpaxkikgo?
Sl 34:18; Is 57:15; 61:1, 2
¿Tuku xlakata tlan makgkatsiyaw akxni katsiyaw tuku kinkaʼakgspulayan akxni niyaw?
Ec 9:5, 10; 1Te 4:13
Liʼakxilhtit xalak Biblia:
Lu 20:37, 38. Jesús lichuwinalh pi Jehová kaʼakxilha tiku nikgonita xtachuna komo lamakgolhku, uma limasiya pi xlikana naʼanan talakastakwanat.
Jn 11:5, 6, 11-14. Akxni Lázaro nilh, Jesús wa pi xʼamigo kaj klhtatama.
Heb 2:14, 15. Apóstol Pablo lichuwinalh pi ni talakaskin napekuaniyaw linin.
¿Tuku xlakata wan Biblia pi tlakg tlan akxni nikan nixawa akxni lakachinkan?
Pr 22:1; Ec 7:1, 2
¿La limapakuwi Biblia linin, chu tuku natlawa Dios?
Is 25:8; 1Co 15:26; Ap 20:14; 21:3, 4
¿Tuku xlakata liwana katsiyaw pi tiku nikgonita nalakastakwanankgo?
Is 26:19; Jn 5:28, 29; Hch 24:15
Liʼakxilhtit xalak Biblia:
Biblia kalichuwinan kgalhnajatsa latamanin tiku kamalakastakwanika, chu kgalhtsayan latamaparakgolh unu kKatiyatni. Putum uma liʼakxilhtit tlan kamakgoxamixi chu kamaxki takgalhkgalhin tiku makgatsankgakgonit kkalinin tiku lu xpaxkikgo.
1Re 17:17-24. Palakachuwina Elías malakastakwanilh xkgawasa chatum puskat tiku xninita xchixku xalak Sarepta, akgtum kachikin nema xtapakgsini Sidón.
2Re 4:32-37. Kkachikin Sunem, palakachuwina Eliseo malakastakwanilh chatum aktsu kgawasa chu kamaxkipa xnatlatni.
2Re 13:20, 21. Chatum chixku tiku xninita lakastakwanalh akxni xmakni makanka niku xtajuma xlukut palakachuwina Eliseo.
Lu 7:11-15. Kkachikin Naín, Jesús malakastakwanilh xkgawasa chatum puskat tiku xninita xchixku akxni latamanin xlimakgolh xlakata namaknukgo.
Lu 8:41, 42, 49-56. Jesús malakastakwanilh xtsumat Jairo, chatum chixku tiku xmakgpulalinan ksinagoga.
Jn 11:38-44. Jesús malakastakwanilh Lázaro, tiku xʼamigo xwanit, chu tlan katatawilapa xnatalan, Marta chu María.
Hch 9:36-42. Apóstol Pedro malakastakwanilh Dorcas, chatum tala puskat tiku xlitalakgapasa pi xkamakgtaya amakgapitsin.
Hch 20:7-12. Apóstol Pablo malakastakwanilh chatum kgawasa tiku xwanikan Eutico, tiku tamokgosli kxlikilhmaktutu piso chu xanin tamacha.
Jehová malakastakwanilh Jesucristo chu maxkilh latamat nema nikxni katimasputuka, chu uma limasiya pi namakgantaxti putum tuku malaknunit.
Jesús wa xapulana tiku lakastakwanalh xlakata nalatama kʼakgapun chu maxkika latamat nema nikxni katimasputuka, pero ni kajwatiya xʼama wan; wilakgolh 144,000 tiku xatalaksakni nema nachuna kamalakastakwanimaka.