Akxni ni xaxlikana takanajla makxtum lakgo
¿Kakninanikgo watiya Dios putum takanajla?
Dt 32:16, 17; 1Re 11:33; 1Co 8:5, 6; 10:20
¿Makgamakglhtinan Jehová putum takanajla maski tanu tanu tuku masiyakgo?
Mt 7:13, 14; Jn 17:3; Ef 4:4-6
Liʼakxilhtit xalak Biblia:
Jos 24:15. Josué wa pi kililaksakatkan tiku naskujnaniyaw: Jehová o atanu dios.
1Re 18:19-40. Jehová maklakaskilh palakachuwina Elías xlakata namasiya pi tiku kakninanikgo xaxlikana Dios ni xlikakninanitkan amakgapitsi dioses, la Baal.
¿La xkaʼakxilha Jehová dioses xalak amakgapitsi kachikinin chu tuku xlakpuwan xlakata takaknin nema xkamaxkikgo latamanin?
Éx 12:12; Nú 25:2-5; Dt 12:29-31; Sof 2:11
¿La makgkatsi Jehová akxni latamanin wankgo pi kakninanikgo pero makgtlawakgo takaknin nema xla xkajni?
Is 1:13-15; 1Co 10:20-22; 2Co 6:14, 15, 17
Liʼakxilhtit xalak Biblia:
Éx 32:1-10. Israelitas skinikgolh Aarón pi xtlawalh akgtum tatlawamakgxtu, chu xla tlawalh tantum aktsu toro, chu tlawanikgolh akgtum paskua Jehová, pero xla lu sitsilh.
1Re 12:26-30. Xlakata Jeroboán ni xlakaskin pi xkachikin xʼankgolh ktemplo nema xwi kJerusalén, xla tlawalh tatlawamakgxtu xlakata xkakninanikgolh Jehová, pero kajwatiya tlawalh pi kachikin xlakgalhinankgolh.
¿Tuku kawanilh Jehová israelitas xlakata la nakatalalinkgo tiku xkakninanikgo atanu dioses?
Éx 23:31-33; Dt 7:1-4
¿La makgkatsilh Jehová akxni xkachikin makgtlawakgolh xtalismaninkan amakgapitsi takanajla?
Jue 10:6, 7; Sl 106:35-40; Jer 44:2, 3
Liʼakxilhtit xalak Biblia:
1Re 11:1-9. Mapakgsina Salomón mastalh talakaskin pi xlakpuskatin xmatlawikgolh pi xkakninanilh atanu dioses, chu chuna makgasitsilh Jehová.
Sl 78:40, 41, 55-62. Asaf wa pi Jehová lu nitlan makgkatsilh chu kalakgmakgalh israelitas xlakata xlakan xkakninanimakgolh atanu dioses chu xlakatawakamakgolh Jehová.
¿Tuku xlakpuwan Jesús xlakata ni xaxlikana tamasiy?
Liʼakxilhtit xalak Biblia:
Mt 16:6, 12. Jesús wa pi tuku xmasiyakgo fariseos chu saduceos xtachuna xwanit la limaxkutin, xlakata lakapala xtalakgatumi chu xlaktlawa xaxlikana tamasiy.
Mt 23:5-7, 23-33. Jesús lakatanks wa pi nitlan lakgaputiyunankan chu lakgmakgalh xtamasiykan lakgtsokgkinanin chu fariseos.
Mr 7:5-9. Jesús kamakgesiyalh tuku nitlan xtlawamakgolh lakgtsokgkinanin chu fariseos, xlakata tlakg xlakaskinka xliʼakxilhkgo xtalismaninkan latamanin nixawa tuku masiya xTachuwin Dios.
¿Xlakaskin Jesús pi kstalaninanin xtapapitsikgolh chu xmatsukikgolh pulaklhuwa takanajla?
Liʼakxilhtit xalak Biblia:
Jn 15:4, 5. Jesús lichuwinalh xliʼakxilhtit xakiwi uvas xlakata namasiya pi kstalaninanin ni xlimakgxtakgatkan xwanit xtamasiy chu makxtum xtawilakgolh.
Jn 17:1, 6, 11, 20-23. Xaʼawatiya katsisni akxni Jesús latamalh unu kKatiyatni, Jesús skilh kʼoración pi kstalaninanin makxtum xtawilakgolh.
¿Watiya tuku xkanajlakgo putum congregaciones xalak pulana siglo, chu xmaxkikgo watiya takaknin Jehová?
Liʼakxilhtit xalak Biblia:
Hch 11:20-23, 25, 26. Congregaciones xalak Antioquía chu Jerusalén makxtum kskujkgo.
Ro 15:25, 26; 2Co 8:1-7. Lhuwa congregaciones xalak pulana siglo xatapaxuwan xkamakgtayakgo tiku xtitaxtumakgolh tuku tuwa; chuna limasiyakgolh pi makxtum xwilakgolh.
¿Makgamakglhtinan Dios putum takanajla nema wankgo pi stalanikgo Cristo?
¿Makgamakglhtinan Dios xtakakninkan latamanin tiku ni stalanikgo xtamasiy Jesús chu xʼapóstoles?
Liʼakxilhtit xalak Biblia:
Mt 13:24-30, 36-43. Jesús masiyalh pi, chuna la staka ni xatlan tuwan kkapukuxtun, xʼamakgo anankgo ni xaxlikana kstalaninanin Cristo chu xʼamakgo laktanukgo congregación.
1Jn 2:18, 19. Apóstol Juan, akxni xlina lhuwa kata, tsokgwililh pi ksputat xapulana siglo xʼanankgo chalhuwa anticristos.
¿Tuku nala komo kcongregación namastakan talakaskin naʼanan ni xatlan tayat chu namasiyakan ni xaxlikana tamasiy?
¿Tuku xlitlawatkan kstalaninanin Cristo xlakata makxtum natawilakgo?
¿Tuku xlakata kstalaninanin Cristo nipara tsinu xlimakgtanutkan knixaxlikana takanajla?
¿Tuku xlakata xlakaskinka nakawaniyaw latamanin tuku tamasiy ni xaxlikana?
Jer 14:14; 23:13, 14, 16; Mt 15:12-14; 23:13-26