Lakatitum kachuwinanti

Tuku tlawalh Jesús

VIDEO: Jesús stakyawa chatum kgawasa tiku kgalhi lhuwa tumin

1. Kaʼakxilhti VIDEO o kalikgalhtawakga Marcos 10:​17-22. Alistalh kalilakpuwanti umakgolh takgalhskinin:

1. 1. ¿Tuku xatlan tayat akxilhli Jesús pi xkgalhi uma kgawasa?

2. 2. ¿Tuku xlakata talakaskilh pi Jesús xlimasiyanilh tapaxkit chu lakatitum o tanks kstakyawalh uma kgawasa?

¿Tuku kinkamasiyaniyan tuku tlawalh Jesús?

2. Komo lakaskinaw pi tiku kamakgalhtawakgemaw nastaka xtakanajlakan, talakaskin nakalimasiyaniyaw tapaxkit akxni nakatachuwinanaw pero lakatitum o tanks nakatachuwinanaw.

Katlawa chuna la Jesús

3. Kamakgtaya tiku makgalhtawakgepat wi tuku nalakgchamputun kxtakanajla chu namakgantaxti.

1. 1. Kamaklakaskinti recuadro «Katlawa uma» nema min kʼakgatunu takgalhtawakga xla libro Kalipaxuwa latamat.

2. 2. Kamakgtaya tiku makgalhtawakgepat nakatsi tuku xlitlawat xlakata nalakgchan tuku lakkaxwilinit.

3. 3. Kawani tiku makgalhtawakgepat pi lu tlan la stakma xtakanajla.

4. Kaʼakxilhti tuku tlawama pi tiku makgalhtawakgepat ni nastaka xtakanajla chu kamakgtaya.

1. 1. Kalilakpuwanti:

   • «¿Tuku tlawama pi tiku kmakgalhtawakge nina natamunuputun?».

   • «¿Tuku tlan naktlawa xlakata nakmakgtaya?».

2. 2. Kaskini Jehová pi kamakgtayan xlakata lakatitum o tanks nawaniya tiku makgalhtawakgepat tuku xlitlawat xlakata chuntiya nastaka xtakanajla.

5. Komo tiku makgalhtawakgepat ni staka xtakanajla nialh kamakgalhtawakge.

1. 1. Xlakata nakatsiya komo chuntiya namakgalhtawakgeya, kalakpuwanti:

   • «¿Lilatama tuku katsinima?».

   • «¿An ktamakxtumit chu kalitachuwinan amakgapitsin xaxlikana?».

   • «Komo lhuwata kilhtamaku kmakgalhtawakgema, ¿xtatayana Jehová wamputun?».

2. 2. Komo tiku makgalhtawakgepat ni limasiya pi stakma xtakanajla:

   • Kamakgpuwantini nalilakpuwan tuku malakgachokgoma.

   • Lakatitum o tanks kawani tuku xlakata nialh katitakgalhtawakga.

   • Liwana kawani tuku xlilakgpalit komo namin kilhtamaku nakgalhtawakgaputumpara.