TAKGALHSKININ XLAKATA BIBLIA

¿La xatlan tlat nawana?

Xlakata tlan liwana nastakgo kamanan wa pi xnaʼakxilhkgo pi xnatlatni lapaxkikgo chu lamaxki kakni (Colosenses 3:14, 19). Kamanan katsiputunkgo pi xnatlatni kapaxkikgo chu tlan kalimakgkatsikgo. Jehová kamasiyanilh lu xatlan liʼakxilhtit natlatni akxni wanilh xKgawasa, Jesucristo, pi xpaxki chu tlan xakxilha tuku tlawalh. (Kalikgalhtawakga Mateo 3:17.)

Jehová, kinTlatkan xalak kʼakgapun, kinkakgaxmatniyan chu kuenta kinkatlawaniyan tuku makgkatsiyaw. Natlatni nachuna xlitlawatkan chu liwana nakgaxmatkgo tuku wankgo xkamanankan (Santiago 1:19). Xlakaskinka pi xlimaxkitkan kakni tuku makgkatsikgo, chu ni lakapala kasitsi komo akglakgwa tuku wan. (Kalikgalhtawakga Números 11:11, 15.)

¿La natlawaya pi minkaman tlan kalikatsikgolh?

Natlatni nawanikgo tuku xlitlawatkan kamanan kxchikkan (Efesios 6:1). Pero, chuna la Dios, liwana nakawani tuku xlitlawatkan chu tuku nakitaxtu komo ni kgalhakgaxmatkgo. Chuna limasiyakan tapaxkit (Génesis 3:3). Nachuna, ni namafuerzaniya xlakata nakgaxmata, tlan nakamasiyaniyaw pi lu tlan kitaxtu akxni tlawakan tuku tlan. (Kalikgalhtawakga Isaías 48:18, 19.)

Kaliskujti xlakata nakamakgtayaya minkamanan xlakata napaxkikgo Dios. Komo chuna natlawaya, tlan tuku nalaksakkgo, maski wix nitu kaʼakxilhpat. Dios kinkalimasiyaniyan xliʼakxilhtit: nachuna katatlawa la xla. (Kalikgalhtawakga Deuteronomio 6:5-7; Efesios 4:32; chu 5:1.)