TUKU WI KXMAKNI | ¿TIKU XTATAYANANIN JEHOVÁ?
¿Tuku xlakata lichuwinankgo Dios?
Max tlakg kinkalilakgapaskanan xlakata klichuwinanaw Dios. Kkanaw kʼakgatunu kchiki, niku titaxtukgo lhuwa latamanin chu kaniwa niku anan latamanin. ¿Tuku xlakata chuna ktlawayaw?
Xtatayananin Jehová klichuwinanaw Dios xlakata nakmalankiyaw chu xlakata nalakgapaskan xtukuwani (Hebreos 13:15). Nachuna ktlawayaw xlakata kkgalhakgaxmataw xlimapakgsin Cristo: «Chuna mpi kapitit, na kamasiyunikgotit xlipaks akgmakgat chixkuwin, chu na namasiyunikgoyayatit mpi natlawakgoy xlipaks yuma ntu kkalimapakgsinitan» (Mateo 28:19, 20).
Chu nachuna, ktlawayaw xlakata kkapaxkiyaw latamanin (Mateo 22:39). Kkatsiyaw pi atsinu ni putum latamanin kgalhikgo xtakanajlakan chu ni putum kgaxmatputunkgo tuku klichuwinanaw. Pero liwana kkanajlayaw pi tuku masiya Biblia tlan nakalakgmaxtu xlatamatkan latamanin. Xapulana kstalaninanin “ni xjaxkgo xmasiyakgo xlakata xlichuwinankgo Cristo” uma kinkamatliwakglhan (Hechos 5:41, 42).
Sociólogo Antonio Cova Maduro wa xlakata «xTatayananin Jehová lu liskujkgo maski xtlakgwankgolh chuntiya namakatsininankgo tuku wan Biblia asta xkilhpan katiyatni». (Kperiódico El Universal, Venezuela)
Atsinu ni putum tiku likgalhtawakgakgo likgalhtawakga, ni xtatayananin Jehová. Chu kkalimakgalhtawakgayaw Biblia millones latamanin tiku kgalhikgo atanu takanajla chu paxtikatsinikgo pi chatum xtatayana Jehová nakalakgapaxialhnan.
Max kgalhiya akgtum takgalhskinin kimpalakatakan. Anan pulaklhuwa la tlan nakatsiya xtakgalhtin:
Kakgalhskinti chatum xtatayana Jehová.
Katanu kkisitiojkan kʼInternet, jw.org/jw-tot.
Kakilatatamakxtumiw. Ni taxokgo chu tlan ankgo putum tiku amputunkgo.