Tlakg kakatsini la nalichuwinana Dios: Kakatsini la namaklakaskina jw.org

TUKU XLAKATA LU XLAKASKINKA. Putum likgalhtawakga nema kgalhiyaw malakgachanan kjw.org. Tarjeta de contacto chu tratado ¿Niku natekgsa xtakgalhtin xalaktuwa takgalhskinin xla latamat? tlawakanit xlakata latamanin natanukgo kkisitiojkan xla Internet. Tlan namaklakaskinaw jw.org xlakata namalakgachayaw likgalhtawakga kformato electrónico o link nema namalakgacha klikgalhtawakga. Uma lu makgtayanan akxni kalitachuwinanaw Dios tiku chuwinankgo tanu tachuwin. Lakgachunin kilikgalhtinatkan takgalhskinin nema ni takgalhti kkilikgalhtawakgan nema wi kkit de enseñanza. Pero komo liwana katsiniyaw maklakaskinaw kisitiojkan, tlakg tlan nalichuwinanaw Dios.

LA NATLAWAYAW

• 

  Kamaklakaskinti sección «TAMASIY XALAK BIBLIA». Akgtum liʼakxilhtit, komo natachuwinana chatum tlat tiku kamasiyaniputun xkamanan xlakata nakgalhikgo lakwan tayat, kapit niku wan TAMASIY XALAK BIBLIA > LAKTSU KAMANAN.

• Kamaklakaskinti sección «LIKGALHTAWAKGA». Akgtum liʼakxilhtit, komo chatum kgawasa tachuwinama xcompañero xalak escuela chu masiyaniputun folleto Xtakgalhtin 10 takgalhskinin nema tlawakgo kamanan, tlan na’an niku wan LIKGALHTAWAKGA > LIBROS CHU FOLLETOS.

• Kamaklakaskinti sección «XLAKATA AKININ». Akgtum liʼakxilhtit, komo tachuwinampat chatum tiku taskuja chu litachuwinamputuna tuku kanajlayaw, kapit niku wan XLAKATA AKININ > TAKGALHSKININ NEMA TLAKG TLAWAKAN.

AKXNI AKXILHNITATA VIDEO KAKATSINI LA NAMAKLAKASKINA JW.ORG, KALILAKPUWANTI TUKU SECCIONES XLA KISITIOJKAN NAMAKLAKASKINA AKXNI NATITAXTUYA UMA:

• Xlakata natachuwinana chatum tiku ni kanajlani Dios.

• Xlakata tlan namamakgkatsiniya tiku aku titaxtulh tuku lu tuwa.

• Xlakata namakgtayaya chatum tala tiku nialh lichuwinan Dios.

• Xlakata nalichuwinana la xokgoyaw putum tuku tlawayaw.

• Xlakata namakgtayaya chatum tiku xalak atanu país xlakata naʼan ktamakxtumit akxni nataspita kxpaís.