¿Tuku tamaskiwin tlan namaxkiyaw Jehová?

AKGTUM kilhtamaku, Jesús wa umakgolh tachuwin: «Tlakg anan tapaxuwan akxni mastakan nixawa akxni makglhtinankan» (Hech. 20:35). Uma tachuwin kgantaxtu chuna la talalinaw Dios. ¿Tuku xlakata? Xla lhuwa tuku kinkamaxkinitan nema kinkamakgapaxuwayan, pero tlakg napaxuwayaw komo wi tuku akinin namaxkiyaw. ¿Tuku tlan namaxkiyaw? Proverbios 3:9 wan: «Kalikakni Jehová wantuku laklanka xtapalh kgalhiya». Uma tuku «laklanka xtapalh kgalhiya» makgtanuma kinkilhtamakujkan, tuku katsiniyaw tlawayaw, kilitliwakgakan chu tuku kgalhiyaw. Akxni limaklakaskinaw tuku kgalhiyaw xlakata nalimakgtayananaw kxaxlikana takaknin, xtachuna la komo wi tuku maxkimaw Jehová, chu uma lu kinkamakgapaxuwayan.

¿Tuku nakinkamakgtayayan xlakata putum kilhtamaku nalakapastakaw pi namaxkiyaw Jehová tuku kgalhiyaw? Apóstol Pablo kawanilh xalak Corinto pi wi tuku xmaʼakgataxtikgolh xlakata tlan xmakamaxkikgolh Jehová (1 Cor. 16:2). Komo tlakg katsiputuna xlakata la tlan xatapaxuwan namastaya mintumin niku wix lapat, kaʼakxilhti recuadro nema wi pakgalhu.

Wilakgolh makgapitsi países niku nila mastakan tumin kʼInternet. Pero anta kpágina donate.jw.org limin pulaklhuwa la tlan namastayaw tumin. Kmakgapitsi países, uma página limin maktum kapsnat niku kgalhti makgapitsi takgalhskinin nema kinkatlawanikanan xlakata la namastayaw tumin.