Akxni tasiya pi nialhla tayanikan

Akgtum liʼakxilhtit, Sally,a xalak Estados Unidos, atsinu ni putum makgatsankgalh xlakata huracán. Xla wan: «Xaklakpuwan pi nialh xakama tayani. Lhuwa kilhtamaku kmakgkatsilh pi nialh xakkgalhi litliwakga».

Akxni niy tiku paxkiyaw na lu kinkakatsaniyan. Janice, xalak Australia, wan: «Akxni chatiy kinkamanan nikgolh, xtachuna la kilatamat xtalaktilh chu akatsunin kkasakli chu klakkaxtlawapa chuna la tlakg tlan kmatlanilh. Xaktasaskini Dios: “Katlawa litlan kiDios, ¡nialh ktayani! Kajwatiya klhtataputun chu nialh klakgawamputun”».

Xlatamat Daniel talakgpalilh akxni xpuskat akgskgawilh. Xla wan: «Akxni kimpuskat kiwanilh pi xkiʼakgskgawinit, kmakgkatsilh xtachuna la komo xkililhtukuka akgtum cuchillo kkinaku. Uma kkimakni xakmakgkatsi, xtachuna la komo makglhuwa xkilhtukuka, chu akglhuwa papaʼ chuna kmakgkatsilh».

¿Lipatinampat uma tuku talichuwinan?

• Wi tuku masputunalh

• Nilh tiku lu xpaxkiya

• Akgskgawin tiku tamakgaxtokga

• Lakgchin xasnun tajatat

• Nitlan tuku lakapastaka

Komo chuna titaxtupat, uma revista Makatsinina namakgtayayan naʼakxilha pi tlanku nalipaxuwaya latamat.