La tlan nawanaw akxni nalichuwinanaw Dios

La tlan natsukuyaw kamakgalhtawakgayaw latamanin kxapulana sábado xla septiembre

«Tlen. La uku kkalakgapaxiʼalhnamaw latamanin chu kkaliminimaw revista niku lichuwinan xlakata la xatapaxuwan nakgalhikgo xtamakgaxtokgatkan, chu uma xlikana nakamakgtayakgo. ¿Wix katsiya tuku tlawa pi lu tuwa natamakgkatsi tamakgaxtokgat?» Akxni kgalhtinitana tiku tachuwinampat, kamasiyani xaʼawatiya página xla Makatsinina 1 xla septiembre, katalikgalhtawakga tuku lichuwinan xapulana takgalhskinin chu katalikgalhtawakga maski kaj akgtum texto. Kamaxki revista chu kawani pi napimparaya xlakata nakgalhtiya atanu takgalhskinin xla uma página.

Makatsinina 1 xla septiembre

«Kkalakgapaxiʼalhnamaw kintalakatsujkan xlakata kkatsiyaw pi lhuwa tiku akstu kakgalhskinkan tuku xlakata Dios masta talakaskin kaʼanalh lhuwa tapatin. ¿Xlakpuwanitata uma? [Kamaxki talakaskin nakgalhtiyan.] Pero Biblia lu tlan tamakatsinin kinkamaxkiyan xlakata lichuwinan pi namin kilhtamaku akxni nialh katiʼanalh tatasa chu takatsanajwat [kalikgalhtawakga Revelación 21:4]. Uma revista lichuwinan pulakkitsis tuku xlakata anan lhuwa taʼakglhuwit chu tapatin. Lichuwinan tuku masiya Biblia, anta wan la Dios namasputu putum tapatin.»

¡Despertad! Septiembre

«Kkaliminiman tamakatsin nema lu xlakaskinka xlakata akgtum paskua nema wanikan Noche de Brujas, na lilakgapaskan Halloween, la uku tlakg lhuwa latamanin tlawakgo. Makgapitsi latamanin ni tlawakgo uma paskua xlakata tuku wan Biblia [kalikgalhtawakga Levítico 19:31]. Pero makgapitsin ni kanajlakgo pi anankgo nitlan un, lakpuwankgo pi Halloween nitu katlawani latamanin. ¿Tuku lakpuwana xlakata uma paskua? [Kamaxki talakaskin nakgalhtiyan.] Uma revista lichuwinan niku kilhtsukulh Halloween.»