La tlan nawanaw akxni nalichuwinanaw Dios
La tlan nawanaw akxni natsukuyaw limakgalhtawakgananaw xapulana sábado xla marzo
«Kaj lakapala kkalilakgapaxiʼalhnaman xlakata wi tuku natalakapastaka 14 xla abril. Ama kilhtamaku nalakapastakkan akxni nilh Jesús. Makgapitsi latamanin lakapastakkgo akxni nilh Jesús xlakata lakpuwankgo pi lu xlakaskinka xlakata mastalh xlatamat, pero makgapitsi ni liwana katsikgo komo xlakaskinka. ¿Lakpuwana pi kinkamakgtayayan kinchatunukan xlakata Jesús mastalh xlatamat?» Kamaxki talakaskin nakgalhtiyan. Alistalh kamasiyani xaʼawatiya página xla revista Makatsinina 1 xla marzo chu katalikgalhtawakga xapulana takgalhskinin chu kamasiyani maski kaj akgtum texto. Kamaxki revista chu kawani pi napimparaya xlakata nakgalhtiya atanu takgalhskinin xla uma página.
Makatsinina 1 xla marzo
«Lhuwa latamanin kakgalhskinkan tuku xlakata Dios nitu tlawa xlakata xmasputulh tiku tlawakgo tuku nitlan chu tapatin nema anan kkatiyatni. ¿Lakpuwana wix pi ni lilakgaputsa, o max lakpuwan pi komo napatinanaw tlakg tlan nakinkakitaxtuniyan? [Kamaxki talakaskin nakgalhtinan. Alistalh kalikgalhtawakga Juan 3:16.] Maski lhuwa tiku lichuwinankgo uma texto xlakata nalimasiyakgo pi Dios kinkalilakgaputsayan, ni liwana katsikgo la kinkamakgtayayan xlakata xKgawasa Dios nilh kimpalakatakan. Uma revista lichuwinan pi xlakata nilh Jesús tlan nasputa tuku nitlan chu tapatin kKatiyatni.»
¡Despertad! Marzo
«Kaj tsinu kalitachuwinamaw latamanin xlakata akgtum texto xalak Biblia nema ni liwana akgatekgskgo [kalikgalhtawakga Génesis 1:1]. Makgapitsi lakpuwankgo pi putum tuku anan kkakilhtamaku wi tiku tlawalh, chuna la wan unu, pero makgapitsi nichuna kanajlakgo. ¿Tuku lakpuwana wix? [Kamaxki talakaskin nakgalhtinan.] Lhuwa latamanin tuwa makgkatsikgo nakanajlakgo pi kaj malakatsukika tuku anan, xlakata tiku pulalinkgo takanajla ni chuna masiyakgo la wan Biblia. Uma revista lichuwinan tuku masiya Biblia nema xaxlikana chu nema tlan kanajlakan xlakata la kilhtsukulh kakilhtamaku.»