Xasasti tamakgtay kgalhiyaw xlakata nalikgalhtawakgayaw Biblia

Millones natalan maklakaskinkgonit Índice de las publicaciones Watch Tower akxni likgalhtawakgakgo Biblia. Pero komo lu lhuwa tuku lichuwinan, chu ni anan klhuwa tachuwin. Liputsan xla xTatayananin Jehová anan kliwaka 170 ktachuwin. Lhuwa tuku tsokgwilikanit kilhtika klikgalhtawakga nema tlawaka kata 2000 chu asta la uku. Liputsan xla xTatayananin Jehová ni imprimirlikanit ktachuwin nema tlawakanit Índice, pero tlawakanit kformato electrónico Watchtower Library chu kBIBLIOTECA EN LÍNEA Watchtower. Uma tuku xasasti namakgtayayan xlakata natekgsa takgalhtin nema kgalhiya xlakata Biblia natekgsa komo wi tuku katsiputuna xla akgtum tema chu tlan nalakkaxtlawaya tuku naʼakxilhkan ktamakxtumit o akxni nakakninaniyatit Dios kfamilia.