Niku Masiyakan xlakata la Lichuwinankan Dios kata 2015 nakinkamakgtayayan xlakata liwana namasiyayaw

¹ David tsokgli: «Laklan tachiwin kakkilhtaxtulh kanikxniwaj, laklan talakapastakni kakgalhilh kinakuj, porque klakaskin xlakata kintachiwin y kintalakapastakni, katamakgapaxawan. Oh Dios, wix la lanka chiwix nima klitatsekga, wata wix kilakgmaxtuya» (Sal. 19:14). Nachuna lakaskinaw pi kintachuwinkan kamakgapaxuwalh Jehová chu lu xlakaskinka akxilhaw uma lanka talakgalhaman nalichuwinanaw tuku xaxlikana kcongregación chu akxni lichuwinanaw Dios. Xlakata liwana nalichuwinanaw Dios, Jehová maklakaskin atanu la, Niku Masiyakan xlakata la Lichuwinankan Dios. Uma masiyakan akgatunu semana 111.000 congregaciones xlikalanka katiyatni chu kamakgtayanit putum latamanin xlakata liwana nalichuwinankgo xalakwan xalaksasti chu liwana nalaksaka tachuwin, nakatsi maklakaskin tachuwin chu ni napekuan (Hech. 19:8; Col. 4:6).

² Programa xla escuela 2015 tuku naʼakxilhkan natakilhti kfolletos Biblia chu tuku lichuwinan [bm], Kakgalhakgaxpatti Dios chu nalatapaya putum kilhtamaku [ll], Lakwan tamakatsin masta Dios [fg], ¿Tiku tlawakgo xtalakaskin Jehová la uku? [jl] chu Tuku litsuku xTachuwin Dios. Tuku atanu talakgpalilh wa kilhtamaku la natamatitaxti texto xatalaksakni nema takilhtinit kBiblia chu taʼakgchuwin 1. Kaʼakxilhparaw tuku talakgpalinit chu la natlawakan xlakata natamatitaxti taʼakgchuwin nema kalakgchan.

³ Textos xatalaksakni xlakata tuku natalikgalhtawakga kBiblia. Natalan tiku kalakgchan namaklakaskinkgo akgtiy minuto xlakata na wan pulaktum tuku lu xlakaskinka chu la nakamakgtaya tuku talikgalhtawakgalh uma semana. Xlakata liwana nalichuwinana akgtum texto nema namakgtaya congregación uma talakaskin liwana nalakkaxtlawaya. Alistalh chuna la lakkaxwilikanit xlimakgxtakgat akgchaxan minuto xlakata namastakgo xcomentarioskan natalan akgatunu comentario xlimakgapalat 30 segundos xlakata tuku likgalhtawakgakgolh ama semana kBiblia nema lakpuwankgo pi xlakaskinka. Uma natlawa pi nakamaxki natalan kilhtamaku xlakata nalichuwinankgo tuku lakputsananikgonit.

⁴ Taʼakgchuwin 1. Akgtutu minutos o maski ni natakgatsi kilhtamaku nema lakgchan xlakata nalikgalhtawakga Biblia, uma ni katimakgapalalh. Tiku lakgchan namatitaxti uma talakaskin makglhuwa nalikgalhtawakga chu katakgaxmatli chu liwana kalikgalhtawakgalh xlakata nataʼakgatekgsa tuku likgalhtawakgama. Putum xtatayananin Jehová kiliskujatkan xlakata liwana nakgalhtawakgayaw, xlakata takgalhtawakga lu xlakaskinka kkintakakninkan. Xlikana lipaxuwayaw akxni akxilhaw pi laktsu kamanan xalak kincongregacionkan liwana kgalhtawakgakgo. Natlatni liskujkgo xlakata nakamakgtayakgo xkamanankan pi liwana nakgalhtawakgakgo, kakawaniw pi lu tlan taskujut tlawamakgolh.

⁵ Taʼakgchuwin 2. Namaxkikan tala puskat o tsumat chu akgkitsis minuto xlimakgapalat. Tala wa namaklakaskin xtukuwani taʼakgchuwin nema maxkikanit. Akxni taʼakgchuwin natakilhti kfolleto Tuku litsuku xTachuwin Dios, chuna kamatitaxtika la xlikana la, akxni talichuwinan Dios niku lakgchan congregación chu nakamakgtaya natalan. Akxni kʼatanu likgalhtawakga natakilhti taʼakgchuwin, liwana naputsakan textos nema nakgalhmakgtaya taʼakgchuwin. Tlan nalimaklakaskin atanu versículos nema nakgalhmakgtaya tuku nalichuwinan. Tiku liyawakanit uma tamakxtumit wa nalaksaka tala tiku namakgtaya.

⁶ Taʼakgchuwin 3. Uma namakgapala akgkitsis minutos. Namaxkikan tala chixku o tala puskat. Komo chatum tala puskat namatitaxti taʼakgchuwin, chuna natlawa la tamatitaxti ktaʼakgchuwin 2. Akxni nalakgchan chatum tala chixku (o kgawasa) naʼakgchuwinan kxlakatin natalan tiku wilakgolh kpukgalhtawakga. Tiku namatitaxti wa nalakkaxtlawa xtaʼakgchuwin chu namaklakaskin textos nema nakgalhmakgtaya xtaʼakgchuwin

⁷ Xasasti la namastakan taʼakgchuwin 3. Akxni taʼakgchuwin, natakilhti kfolleto Tuku litsuku xTachuwin Dios, chu chatum tala chixku namaxkikan, namatitaxti la akgtum liʼakxilhtit akxni kakninani Dios kxfamilia o lichuwinama Dios. Xalak xfamilia xliwanat tiku namakgtaya o chatum tala xalak congregación. Tiku liyawakanit uma tamakxtumit wa nalaksaka tiku namakgtaya chu la namatitaxti. Komo chatum kgolotsin namaxkikan uma xlakata namatitaxti chu namasiya la tlawakan, wa nalaksaka tiku namakgtaya chu la namatitaxti. Xlikana lu namatliwakglha congregación akxni chatum kgolotsin nalimasiya la namakgtaya chatum xfamilia o atanu.

⁸ Tastakyaw. Tiku liyawakanit uma tamakxtumit nalimaklakaskin akgtiy minuto xlakata nawan tuku lu tlan akxilhli xlakata akgatunu taʼakgchuwin, nawani tuku xlakata tlan tlawalh chu nawan tuku lichuwinan libro Benefíciese xlakata uma.

⁹ Tiku namatitaxtikgo taʼakgchuwin tlan natekgskgo kpágina 79 asta 81 klibro Benefíciese la namatitaxtikgo xtaʼakgchuwinkan. Akxni nasputa tamakxtumit chu titaxtunita tiku xlakgchan, tiku liyawakanit uma tamakxtumit natsokga tuku liskujli kxlibro tiku matitaxtilh taʼakgchuwin chu kaj xakstu nakgalhskin komo tlawalh ejercicios nema wi klibro. Na tlan nalimaklakaskinkan ama kilhtamaku o atanu kilhtamaku xlakata nawanikan tuku tlan matitaxtilh chu namaxkikan tastakyaw nema namakgtaya. Putum tiku matitaxtikgo taʼakgchuwin, lu xlakaskinka naʼakxilhkgo tastakyaw nema kamaxki tiku liyawakanit uma tamakxtumit xlakata uma nakamakgtaya pi nastaka xtakanajlakan (1 Tim. 4:15).

¹⁰ Komo tiku lakgchan taʼakgchuwin namalakatsali kilhtamaku, tiku liyawakanit uma tamakxtumit wi tuku nakalimasiyani komo lakatsalalha kilhtamaku nema xlakgchan pero ni xlikatsitkan amakgapitsin. Tiku mastama taʼakgchuwin kamasputulh tachuwin chu kataktalh (kaʼakxilhti klibro Benefíciese, página 282, párrafo 4).

¹¹ Kawanikan putum tiku tlan makgatsi xlakata na tlan natitaxtukgo Niku Masiyakan xlakata la Lichuwinankan Dios (kaʼakxilhti klibro Benefíciese, página 282, párrafo 6). Tuku masiyakan kʼuma escuela kamakgtaya xkachikin Dios xlakata liwana nalichuwinankgo tuku xlikana kanajlakgo chu nakalimasiyanikgo latamanin kakni chu tapaxkit akxni namasiyakgo xalaktlan tamakatsinin xla Tamapakgsin. Jehová lipaxuwa akxni maklakaskinaw tuku katsiniyaw kʼuma escuela, xlakata nalimalankiyaw (Sal. 148:12, 13; Isa. 50:4).