Kamakgtaya tiku kamakgalhtawakgapat xlakata natamakamastanikgo Dios chu natamunukgo

TUKU XLAKATA LU XLAKASKINKA: Xlakata tlan nakakxilha Jehová, tiku likgalhtawakgakgo Biblia talakaskin pi natamakamastanikgo chu natamunukgo (1Pe 3:21). Tiku lilatamakgo chuna la tamakamastanikgonit Dios kgalhikgo tamakgtay kxtakanajlakan (Sl 91:1, 2). Kstalaninanin Cristo tamakamastaniw Jehová chu ni chatum lataman, taskujut o tuku talakkaxwilinit. Wa xlakata, tiku kgalhtawakgamakgolh xlipaxkitkan chu xlimaxkitkan kakni Jehová (Ro 14:7, 8).

LA NATLAWAYAW:

• Akgatunu takgalhtawakga, kakxilhtit tuku masiya xlakata Dios tuku likgalhtawakgapatit. Kalichuwinanti pi xlakaskinka likgalhtawakgakan Biblia chali chali chu “ni anan xtajaxni” tlawanikan oración Jehová (1Te 5:17; Snt 4:8).

• Kamakgpuwantini tiku makgalhtawakgapat pi kalakkaxwililh pi natamakamastani Dios chu natamunu. Na kamakgtaya namakgantaxti tuku atanu lakkaxwilinit, la namasta xtakgalhtin ktamakxtumit o nakalitachuwinan Dios xtalakatsunin chu tiku kataskuja. Kalakapastakti pi Jehová niti mafuerzani naskujnani chu tamakamastanikan chatunu xlilaksakat (Dt 30:19, 20).

• Kamakgpuwantini tiku makgalhtawakgapat pi kalakgpalilh tuku talakaskin kxlatamat xlakata tlan namakgapaxuwa Jehová chu namakgatsi tuku taskin xlakata tlan natamunu (Pr 27:11). Tayat chu talismanin nila lakapala lakgmakgankan, max natalakaskin chuntiya namakgtayaya namakgxtakgtaya xamakgan xtayat chu nakgalhi xasasti xtayat (Ef 4:22-24). Kamasiyani makgapitsi artículos xla serie «Biblia kalakgpalinilh xlatamatkan», xla revista Makatsinina.

• Kawani tiku makgalhtawakgeya la lipaxuwaya wix xlakata lakskujnanipat Jehová (Is 48:17, 18).