Tlakg kakatsini la nalichuwinana Dios: Kakalitachuwinanti Dios tiku nila akxilhkgo

TUKU XLAKATA XLAKASKINKA. Lhuwa tiku nila akxilhkgo nitlan makgkatsikgo akxni katachuwinankgo tiku ni lakgapaskgo. Wa xlakata, kilikatsitkan la tlan nakalitachuwinanaw Dios. Jehová kapaxki tiku nila akxilhkgo chu kalilakgaputsa (Le 19:14). Kastalaniw xliʼakxilhtit Jehová chu kakamakgtayaw nalakgapaskgo.

LA NATLAWAYAW

• Katsuku kaputsaya (Mt 10:11). ¿Wi tiku lakgapasa nema xfamilia nila akxilha? ¿Anan niku lichuwinanatit Dios akgtum escuela, niku kakuentajtlawakan tiku nila akxilhkgo o atanu nema kgalhiputunkgo likgalhtawakga nema katlawanikanit tiku nila akxilhkgo?

• Kamasiya pi kalilakgaputsaya. Komo wix tlan likatsiya chu limasiyaya pi kalilakgaputsaya, natlawaya pi lataman tlan namakgkatsi. Kalitachuwinanti tuku lilakgaputsakan niku xla lama.

• Kakamakgtaya nalakgapaskgo Jehová. Xlakata nakamakgtayakan latamanin tiku nila akxilhkgo, xkachikin Jehová tlawanit likgalhtawakga ktipalhuwa formatos. Kakgalhskinti tiku nila akxilha la lakaskin kamasiyanika. Superintendente de servicio xalak congregación kuenta xlitlawat pi tiku lakgaya naskin likgalhtawakga, naskin nema lakgatikgo latamanin tiku nila akxilhkgo.