«Kalakgmakgantit dioses xalak atanu kachikin»

Maski nina xʼanan akgtum limapakgsin niku xwan pi ni xlitakakninanit atanu dios, Jacob xkatsi pi kajwatiya Jehová lakgchan nakakninanikan (Éx 20:3-5). Wa xlakata, akxni Jehová skinilh pi xtaspitli kBetel, Jacob wanilh xfamilia chu putum tiku xtawilakgo anta pi xmakgankgolh xʼídoloskan. Jacob maknulh putum ídolos, chu nachuna putum taʼakgastujut o akgatanu, nema max xtamaklakaskin la amuletos (Gé 35:1-4). Xlikana pi Jehová lu lipaxuwalh tuku tlawalh Jacob.

Chu la uku, ¿tuku tlan natlawayaw xlakata kajwatiya Jehová nakakninaniyaw? Pulana, kilitamakgatlinitkan putum tuku natlawa pi nakakninaniyaw atanu dioses, namakgtanuyaw ktaskuwan chu atanu tuku xtachuna taskuwan. Uma wamputun pi nalakgmakganaw kaxatukawa tuku tatalakxtumi taskuwan chu nakuentajtlawayaw tuku lilakgastananaw. Akgtum liʼakxilhtit, kakgalhskinka: «¿Klikgalhtawakga libros o kakxilha películas nema lichuwinan vampiros, zombis o atanu tuku ni xalak uma kakilhtamaku? ¿Klilakgastanan tuku tasiya pi ni lixkajnit pero limin magia o tuku xla taskuwan?». Kilitamakgatlinitkan putum tuku Jehová ni akxilhputun (Sl 97:10).

AKXNI AKXILHNITATA VIDEO «KALAKATAYANITIT AKGSKGAWINI», KAKGALHTI UMAKGOLH TAKGALHSKININ:

• 

  ¿Tuku taʼakglhuwit xkgalhi chatum tiku xlimakgalhtawakgemaka Biblia nema wanikan Palesa?

• 

  ¿Tuku xlakata talakaskin naputsayaw xtamakgtay lakgkgolotsin xalak congregación komo kgalhimaw taʼakglhuwit xlakata taskuwan?

• 

  Komo lakaskinaw pi Jehová kakinkakuentajtlawan, ¿tuku talakaskin nalakgmakganaw?

• ¿Tuku lu xlakaskinka tlawalh Palesa?

• Anta niku wix lapat, ¿tuku militlawat xlakata demonios ni namakgtanukgo kmilatamat?