Malankiyaw Jehová akxni precursores litaxtuyaw

Israelitas xkatsikgo tuku xlakata xlakgchan namalankikgo Jehová, xlakata xkatamakxtunit kʼEgipto chu xkalakgmaxtunit akxni xkaputsastalanimakgo ksoldados faraón (Éx 15:1, 2). Jehová chuntiya tlawama tuku tlan xpalakata xkachikin. ¿La tlan napaxtikatsiniyaw? (Sl 116:12).

Akgtum liʼakxilhtit, tlan naskujaw la precursores auxiliares o regulares. Kaskiniw Jehová pi kakinkamakgtayan chuna natlawaputunaw chu kakinkamaxkin litliwakga xlakata tlan namakgantaxtiyaw (Flp 2:13). Lhuwa tiku pulana liskujkgo la precursores auxiliares. Tlan namastayaw 30 o 50 horas papaʼ marzo chu abril, chu papaʼ akxni kinkalakgapaxialhnanan superintendente de circuito. Akxni akxilhaw pi precursorado auxiliar kinkamakgapaxuwayan, max natlawa pi naskujputunaw la precursores regulares. Asta maski tiku putum kilhtamaku skujkgo o tatatlakgo, tlan precursores regulares litaxtukgonit (mwb16.07 8). Jehová lakgchan namaxkiyaw putum tuku matlaniyaw xlakata namalankiyaw (1Cr 16:25).

AKXNI AKXILHNITATA VIDEO KGALHTUTU NATALAN LAKTSUMAN XALAK MONGOLIA, KAKGALHTI UMAKGOLH TAKGALHSKININ:

• 

  ¿Tuku tuwa titaxtukgolh umakgolh natalan xlakata precursoras nawankgo?

• 

  ¿Tuku tasikulunalin makglhtinankgonit?

• 

  Xlakata precursoras xlitaxtukgo, ¿tuku atanu taskujut kalakgayawaka xlakata tlakg naskujnanikgo Jehová?

• 

  ¿La kamakgtayalh amakgapitsin xliʼakxilhtitkan?