La uku tlantiya nalakkaxwiliyaw la natlawayaw
1. ¿Tuku tlan natlawayaw akxni natalakapastaka akxni tinilh Jesús, chu la natlawayaw?
1 Kata kata, akxni talakapastaka akxni tinilh Jesús lu tlan nalichuwinanaw xapaxkina kiDioskan Jehová (Sal. 109:30). Xlakata lu paxtikatsiniyaw pi mastalh talakgmaxtut, nalakputsayaw la natlawayaw xlakata marzo tlakg nalichuwinanaw Dios. La uku tlantiya nalakkaxwiliyaw la natlawayaw (Pro. 21:5).
2. ¿Tuku lakpuwankgolh natlawakgo makgapitsi akxni katsikgolh pi abril kata 2011 tlan kaj 30 horas xmastakgolh komo xliskujkgolh precursorado auxiliar? ¿La makgkatsi akxni kgaxpatti?
2 Precursorado auxiliar. Kata nema titaxtulh lu lipaxuwaw akxni kinkawanikan pi tlan kaj 30 horas xmastaw komo xliskujwi precursorado auxiliar. Chatum kgawasa uma tuku tsokgli: «Akit nina precursor regular xlakata kkanku kscuela. Pero abril precursor auxiliar nakwan xla 30 horas pero nakliskuja xlakata nakmakgatsi 50 horas». Nachuna, chatum tala puskat tiku putum kilhtamaku skuja wa: «¿Kaj 30 horas? ¡Tlan nakmakgatsi!». Akxni makatsininanka, chatum tala puskat tiku xmalakatsalinita 80 kata tiku precursora xwanit wa: «¡Makgasa precursora xakwamputumpara! Jehová katsi pi akxni precursora xakwanit lu xakpaxuwa». Ama papaʼ na xwilakgolh natalan tiku nila precursores auxiliares wankgolh pero tlakg lichuwinankgolh Dios.
3. ¿Tuku xlakata tlan precursores xwamparaw marzo, abril chu mayo?
3 Marzo lu tlan precursor auxiliar nawanaw, xlakata tlan nalaksakaw komo kaj 30 horas namakgatsiyaw o 50 horas. Nachuna sábado 17 xla marzo natsukuyaw kawaniyaw latamanin pi kakinkatatamakxtumikgon akxni nalakapastakaw akxni tinilh Jesús nema natatlawa 5 xla abril. Lu tlan xwa pi tiku precursores auxiliares nawankgo marzo, lhuwa precursores xwamparakgolh abril chu mayo pero xmakgatsikgolh 50 horas.
4. ¿Tuku tlan xtatlawalh xlakata tlakg xlichuwinaw Dios? ¿La nakinkakitaxtuniyan?
4 Akxni nakakninaniyatit Dios kfamilia tlan nalichuwinanatit la natlawayatit xlakata tlakg nalichuwinanatit Dios akxni natalakapastaka akxni tinilh Jesús (Pro. 15:22). Kaskini Jehová pi kasikulunatlawalh tuku lakpuwampatit natlawayatit (1 Juan 3:22). Nachuna, ni kapatsankga pi akxni tlakg lichuwinana, tlakg namalanki Jehová chu tlakg napaxuwaya (2 Cor. 9:6).