Chuntiya kamaklakaskiw revistas

Lata kkata 2018, revistas nema tamakgpitsi kaj pulaktum tuku lichuwinan. Umakgolh revistas makgtanumakgolh kkit de enseñanza, wa xlakata tlan nalimaklakaskinaw akxni nalichuwinanaw Dios. Nachuna tlan nakalinaw akxni anaw tamawananaw o akxni anaw paxialhnanaw. Umakgolh revistas ni katlawakanit xlakata nalimastakan takgalhtawakga xalak Biblia, pero nakamakgtaya latamanin tlakg nalakgapasputunkgo Dios.

Akxni wi tiku natachuwinana, kalikgalhtawakgani akgtum texto xalak Biblia chu kalitachuwinanti xtema maktum revista nema max tlakg nalakgati. Akgtum liʼakxilhtit, komo kgalhi xfamilia, o komo lipuwama o lhuwa tuku lilakgaputsama, max tlan xwani: «Nina makgas klikgalhtawakgalh akgtum artículo xlakata uma. ¿Tlan nakmasiyaniyan?». Komo tlakg katsiputun, tlan namaxkiya maktum revista o namalakgachaniya kformato electrónico. Tlan chuna natlawaya akxni wi tiku xapulana natachuwinana. Maski ni wa ankgalhin makgpitsimaw likgalhtawakga, revistas tlan nakinkamakgtayayan nakatekgsaw tiku xlikana kgalhakgaxmatputunkgo Dios (Hch 13:48).

2018

2019

2020