Jehová chu Jesús nakinkamaxkikgoyan lakgtaxtut

¿Tuku taʼakglhuwit titaxtuya chali chali? ¿Xʼakgxakga familia litaxtuya chu tlawaya putum tuku matlaniya xlakata namakgantaxtiya tuku lakgayat? ¿Kaj miʼakstu kakuentajtlawapat minkamanan chu ni akchaniyan tumin akgatunu papaʼ? ¿Pina kʼescuela chu mincompañeros nitlan likatsinikgoyan o tlawanikgoyan bullying? ¿Kgalhiya akgtum tajatat o nitlan tuku titaxtupat xlakata lipina kata? Kimputumkan kgalhiyaw taʼakglhuwit, pero wilakgolh natalan tiku tipalhuwa taʼakglhuwit kgalhikgo. Lu tlan limakgkatsiyaw pi nialh makgas nialh katikgalhiw putum umakgolh taʼakglhuwit (2Co 4:16-18).

Asta akxni nachin uma kilhtamaku, lu kinkamakgoxamixiyan pi Jehová akgatekgsa putum tuku titaxtumaw, lanka xtapalh liʼakxilha pi ni makgxtakgaw chu tayaniyaw, chu malaknu pi nakinkasikulunatlawayan kkilhtamaku nema aku mima (Jer 29:11, 12). Jesús na kinkalilakgaputsayan. Komo lu naliskujaw namakgantaxtiyaw tuku kinkalakgayawakanitan chuna la kstalaninanin Cristo, xla kinkamalaknuniyan: «Kkatawilan chali chali» (Mt 28:20). Komo nalimaxtuyaw kilhtamaku nalilakpuwanaw lakgtaxtut nema nakgalhiyaw kxTamapakgsin Dios, tlakg nalipawanaw pi nakgantaxtu uma chu tlakg nakgalhiyaw litliwakga xlakata natayaniyaw tuku tuwa (Ro 8:19-21).

AKXNI AKXILHNITATA NAWAN VIDEO CHUNA LA TALAKATSUWI TUKU NITLAN, KALIPAWAW JESÚS. TASIKULUNALIN NEMA NALIMIN TAMAPAKGSIN, KAKGALHTI UMAKGOLH TAKGALHSKININ:

• ¿La tamakgatlinikgonit latamanin Dios chu tuku kitaxtunit?

• ¿Tuku namakglhtinankgo tiku ni makgxtakgkgo Jehová?

• ¿Tuku tlawa pi tlan namakglhtinanaw tuku lu tlan kkilhtamaku nema aku mima?

• ¿Tuku tamalaknun lu akxilhputuna pi kakgantaxtulh kxasasti kakilhtamaku?