KILATAMATKAN LA KSTALANINANIN CRISTO
Jehová kinkamakgtayayan natayaniyaw taputsan
Kʼuma xaʼawatiya kilhtamaku, putum akinin titaxtuyaw tuku lu tuwa. Min kilhtamaku, max makgkatsiyaw pi nialhla tayaniyaw. Pero komo chuntiya naputsayaw xtamakgtay Jehová tlan natayaniyaw maski lu tuwa taputsan natitaxtuyaw (Is 43:2, 4). Komo titaxtupat tuku tuwa, ¿tuku namakgtayayan ni natamakgatliniya Jehová?
Oración. Komo nawaniyaw Jehová putum tuku makgkatsiyaw, xla nakinkamaxkiyan takaksni chu litliwakga nema maklakaskinaw xlakata natayaniyaw (Flp 4:6, 7; 1Te 5:17).
Tamakxtumit. La uku tlakg talakaskin namatliwakglhaw kintakanajlakan chu namakglhtinanaw tamakgtay nema kinkamaxkikgoyan kinatalankan ktamakxtumit (Heb 10:24, 25). Akxni lakkaxwiliyaw tuku nalichuwinankan ktamakxtumit, anaw chu mastayaw kintakgalhtinkan, tlakg litamakgtayayaw xʼespíritu santo Jehová (Ap 2:29).
Nalichuwinanaw xatlan tamakatsinin. Komo natlawayaw putum tuku matlaniyaw xlakata nalichuwinanaw xatlan tamakatsinin, tlakg ni tuwa katimakgkatsiw nalilakpuwanaw tuku tlan. Nachuna, tlakg tatliwakglha la talalinaw Jehová chu la katalalinaw kinatalankan, xlakata akxtum kataskujaw (1Co 3:5-10).
AKXNI AKXILHNITATA NAWAN VIDEO JEHOVÁ LITAXTU KINTLAT, KAKGALHTI UMAKGOLH TAKGALHSKININ:
¿Tuku makgtayalh Malu ni natamakgatlini Jehová?
Chuna la Malu, ¿la kinkamakgtayayan tuku wan Salmo 34:18?
¿La kinkamasiyaniyan tuku titaxtulh Malu pi Jehová kinkamaxkiyan «litliwakga tuku latamanin nila kgalhikgo» akxni titaxtuyaw tuku lu tuwa? (2Co 4:7).