TLAKG LIWANA KAMAKGALHTAWAKGENAW | TLAKG KALIPAXUWA AKXNI LICHUWINANA DIOS
Kakamakgtayaw naʼankgo ktamakxtumit
Tamakxtumit xalak congregación lu xlakaskinka litaxtu chuna la kakninaniyaw Dios (Sl 22:22). Putum tiku tamakxtumikgo xlakata nakakninanikgo Jehová, paxuwakgo chu lhuwa tasikulunalin makglhtinankgo (Sl 65:4). Tiku kamakgalhtawakgemaka tlakg lakapala staka xtakanajlakan akxni ankgalhin ankgo ktamakxtumit.
¿La tlan nakamakgtayaya tiku kamakgalhtawakgepat xlakata naʼankgo ktamakxtumit? Ni kaj makgtum kakawani pi kaʼankgolh. Kakamasiyani video ¿Tuku tatlawa kPukgalhtawakga? chu kakawani tuku tlan nakitaxtu komo naʼankgo (lff takgalhtawakga 10). Tlan nakalitachuwinana tuku wix katsininita ktamakxtumit o tlan nakawaniya tuku nalichuwinankan ktamakxtumit nema aku mima. Kakamaxki mintamakgalhtawakgen likgalhtawakga nema namaklakaskinkan o kamasiyani niku wan «Reuniones» anta kJW Library®. Nachuna, wi tuku katlawa xpalakatakan, akgtum liʼakxilhtit, kakalipi ktamakxtumit. Akxni mintamakgalhtawakgen naʼan kxapulana tamakxtumit, wix naʼakxilha pi tuku tlawanita xlakata namakgtayaya ni kaj paxkat wanit (1Co 14:24, 25).
AKXNI AKXILHNITATA NAWAN VIDEO KAKAMAKGTAYAW TIKU KAMAKGALHTAWAKGEMAW NAʼANKGO KTAMAKXTUMIT, KAKGALHTI UMAKGOLH TAKGALHSKININ:
¿Tuku kilhtamaku maklakaskilh Rita xlakata xwanilh Coral pi xʼalh ktamakxtumit?
¿Tuku xlakata lu paxuwayaw akxni chatum tiku kgalhtawakgama an ktamakxtumit?
«Dios xlikana katawilan»
¿Tuku makgkatsilh Coral akxni xlimakgtumku kilalh ktamakxtumit?