TLAKG LIWANA KAMAKGALHTAWAKGENAW | TLAKG KALIPAXUWA AKXNI LICHUWINANA DIOS
Kakamakgtaya mintamakgalhtawakgen natalalinkgo Jehová
Jehová lakaskin pi kaskujnaniw xlakata paxkiyaw (Mt 22:37, 38). Tapaxkit nema kgalhinikgo Dios nakamakgtaya mintamakgalhtawakgen xlakata nalakgpalikgo xlatamatkan chu natayanikgo tuku tuwa titaxtukgo, chu nakamakgpuwantini xlakata natamunukgo (1Jn 5:3).
Kakamakgtaya mintamakgalhtawakgen naʼakgatekgskgo pi Jehová kapaxki. Kakatlawani umakgolh takgalhskinin: «¿Tuku masiyaniyan uma xpalakata Dios?» o «¿La limasiyaniyan uma pi Dios paxkiyan?». Kakamakgtaya naʼakxilhkgo la Jehová kamakgtayama kxlatamatkan (2Cr 16:9). Kakalitakgalhchuwinanti la akgtum kilhtamaku Dios kgalhtilh mioración chu kakamakgpuwantini naʼakxilhkgo la Dios kgalhti xʼoracioneskan. ¡Lu napaxuwaya akxni naʼakxilha pi mintamakgalhtawakgen chu Jehová tlan latalalinkgo chu lapaxkikgo!
AKXNI AKXILHNITATA NAWAN VIDEO KAKAMAKGTAYAW TIKU KAMAKGALHTAWAKGEMAW... TLAN NATALALINKGO JEHOVÁ, KAKGALHTI UMAKGOLH TAKGALHSKININ:
¿Tuku tuwa titaxtulh Coral?
¿Tuku tlawalh Rita xlakata xmakgtayalh?
¿Tuku tlawalh Coral xlakata xmakgatlajalh tuku tuwa xtitaxtuma?