Putum tuku tuwa titaxtuyaw nasputa

Tuku tuwa titaxtuyaw kinkamaxlajwaniyan, liwaka akxni lu makgapala. David xkatsi pi ni putum kilhtamaku xʼama makgapala taʼakglhuwit nema xtakgalhi Saúl, chu chuna la xmalaknuninit Jehová xla mapakgsina xʼama litaxtu (1Sa 16:13). Xtakanajla David makgtayalh nakgalhkgalhinan asta akxni Jehová wi tuku xtlawalh.

Akxni titaxtuyaw tuku tuwa, tlan nalimasiyayaw liskgalala chu takatsin, chu namaklakaskinaw kintalakapastaknikan xlakata nakatsiyaw tuku natlawayaw (1Sa 21:12-14; Pr 1:4). Pero makgapitsi taʼakglhuwit ni sputkgo maski wi tuku tlawayaw o stalaniyaw xtastakyaw Jehová. Akxni chuna titaxtuyaw, kakgalhkgalhiw pi Jehová wi tuku natlawa. Nialh makgas, xla namasputu tuku kinkamakgapatiniyan chu «nakaxakani putum xlakgpixtajatkan» tiku patinamakgo (Ap 21:4). Max tuku tuwa titaxtumaw nasputa xlakata Jehová wi tuku natlawa, pero tuku liwana katsiyaw wa pi tuku titaxtumaw nasputa. Uma tlan kinkamamakgkatsiniyan.

AKXNI AKXILHNITATA NAWAN VIDEO AKGTUM KACHIKIN NEMA MAKXTUM WILAKGOLH MASKI KKAKILHTAMAKU ANAN TAPAPITSIT, KAKGALHTI UMAKGOLH TAKGALHSKININ:

• ¿Tuku tuwa titaxtukgolh natalan xalak sur kʼEstados Unidos?

• ¿La limasiyakgolh takgalhkgalhin chu tapaxkit?

• ¿Tuku tlakg xlakaskinka xʼakxilhkgo natalan? (Flp 1:10).