LECCIÓN 12

Kalimasiya pi kapaxkiya chu kaʼakgatekgsniya amakgapitsin

1 Tesalonicenses 2:7, 8

TUKU NATALICHUWINAN: Kminaku kataxtucha tuku nawana chu kalimasiya pi kalilakgaputsaya tiku kgaxmatnimakgon.

Kakalilakpuwanti tiku nakgaxmatnikgoyan. Xlakata nalakkaxwiliya minaku, kalilakpuwanti taʼakglhuwit nema titaxtumakgo chu la makgkatsikgo.
Liwana kalaksakti mintachuwin. Kaliskujti xlakata nakamakgpuwantiniya, tlan nakamamakgkatsiniya chu nakamatliwakglha tiku kgaxmatnimakgon. Ni kamaklakaskinti tachuwin nema nitlan mamakgkatsininan chu ni kawanti tuku nitlan xpalakata tiku ni skujnikgo Jehová chu tuku kanajlakgo.
Kalimasiya pi kalilakgaputsaya. Tlan chuna natlawaya akxni ni lu pixlanka nachuwinana chu namatsuwiya mimakan chuna la xlilat. Na kalilakpuwanti tuku masiyaya akxni matsuwiya milakan; xpuntsunin kalakalitsinti.

Kaliskujti xlakata ni namalakatsaliya chu ni natakgaxmata pi xafuerza chuwinampat. Akxni nakgalhtawakgaya, kalimasiya tuku xmakgkatsima tiku talichuwinama, pero ni katlawa pi kaj wix naʼakxilhkana. Kamalhmani vocales akxni chuwinana xlakata ni xatasitsi natakgaxmata mintachuwin. Komo tlakg pixlanka nawana consonantes, natakgaxmata pi kaj sitsipat chu ni liwana katitakgaxmatli tuku nawana.