LECCIÓN 17

Kataʼakgatekgsli tuku lichuwinampat

1 Corintios 14:9

TUKU NATALICHUWINAN: Kakamakgtaya tiku kgaxmatnimakgon naʼakgatekgskgo tuku kawanipat.

Liwana kalikgalhtawakga tuku nalichuwinana. Liwana miliʼakgatekgsat tema xlakata ni tuwa la nalichuwinana chu kmintachuwin.
Kamaklakaskinti ni xalaklhman tachuwin chu ni xalaktuwa. Maski ni talakgalhin namaklakaskina laklhman tachuwin, tlakg tlan namaklakaskina ni xalaklhman akxni nalichuwinana pulaktum tuku xlakaskinka.

Ni kalichuwinanti tuku ni xlakaskinka nema natlawa pi ni naʼakgatekgskgo o nakamaʼakatsani tiku kgaxmatnimakgon. Ni kamaklakaskinti laktuwa tachuwin. Tlakg tlan maklakaskinkan ni xatuwa tachuwin.
Liwana kalichuwinanti tachuwin nema ni lu lakgapaskan. Ni lu kamaklakaskinti tachuwin nema ni lu lakgapaskgo tiku kgaxmatnimakgon. Komo talakaskin namaklakaskina akgtum tachuwin, chatum tiku talichuwinan kBiblia, pulaktum tuku xlipulhkanankan makgasa o akgtum talismanin, kalichuwinanti tuku wamputun.