La nalimakgalhtawakgenanaw libro Kalipaxuwa latamat

Akxni nina pina makgalhtawakgenana

1. 

   1. Liwana kalakkaxwili tuku nalikgalhtawakgayatit. Kalilakpuwanti tuku maklakaskin tiku makgalhtawakgepat, tuku titaxtuma chu tuku kanajla. ¿Wi tuku tuwa namakgkatsi naʼakgatekgsa o wi tuku tuwa namakgkatsi nalilatama? Kalakputsanani artículos chu videos nema min ksección «Tlakg kakatsini» chu kalilakpuwanti la tlan xmakgtayalh. Komo chuna natlawaya, nakatsiya tuku namaklakaskina akxni kgalhtawakgapatita nawan.

Akxni kgalhtawakgapatita nawan

1. 2. Komo tiku makgalhtawakgepat masta talakaskin, katlawa akgtum oración akxni namatsukiyatit chu akxni namasputuyatit takgalhtawakga.

2. 

   3. Kuenta katlawa pi ni lhuwa nachuwinana. Kajwatiya kalichuwinanti tuku min ktakgalhtawakga chu kamaxki talakaskin tiku makgalhtawakgepat nawan tuku lakpuwan.

3. 4. Akxni namatsukiya akgtum xasasti sección, kalikgalhtawakga aktsu párrafo niku wan «Tuku nakatsiniya» chu kawani makgapitsi xtítulos takgalhtawakga.

4. 5. Akxni namasputuya akgtum sección, kamaklakaskinti niku wan «Tuku katsiniw ksección» xlakata tiku makgalhtawakgepat nalakapastaka tuku katsinilh.

5. 6. Akxni natakgalhtawakgaya tiku makgalhtawakgepat:

   1. 1. Akxtum kalikgalhtawakgatit xapulana párrafos.

   2. 2. Kalikgalhtawakgatit putum textos xalak Biblia niku wan «Kalikgalhtawakgatit».

   3. 3. Komo talakaskin, kalikgalhtawakgatit atanu textos nema min ktakgalhtawakga.

   4. 

      4. Kawili putum videos niku wan «Kaʼakxilhtit» (komo kgalhiya niku tlan naʼakxilhatit).

   5. 5. Katlawa putum takgalhskinin.

   6. 6. Kalichuwinantit dibujos nema min ksección «Tlakg kalakputsananiw».

   7. 7. Kamaklakaskinti recuadro «Katlawa uma» xlakata tiku makgalhtawakgepat naʼakxilha la staktilhama xtakanajla. Kamakgpuwantini wi tuku nalakgchamputun. Max tlan naliskuja tuku min krecuadro o atanu tuku nawaniya pi kaliskujli.

   8. 8. Kakgalhskinti tuku artículo o video nema min ksección «Tlakg kakatsini» lakgatilh akxni xlakkaxwilima tuku nalikgalhtawakgayatit.

   9. 9. Makgatunu nakgalhtawakgayatit kaliskujtit xlakata namasputuyatit akgtum takgalhtawakga.

Akxni masputunitata takgalhtawakga

1. 

   7. Chuntiya kalilakpuwanti tiku makgalhtawakgepat. Kaskini Jehová pi kasikulunatlawalh chuna la stakma xtakanajla chu kaskini pi kamaxkin liskgalala xlakata tlan namakgtayaya tiku makgalhtawakgepat.