KILATAMATKAN LA KSTALANINANIN CRISTO

Kalipaxuwa latamat: kamaklakaskiw tuku xasasti akxni lichuwinanaw Dios

¡Lu lipaxuwayaw xlakata kgalhiyaw xasasti libro chu xasasti folleto xlakata nalimakgalhtawakgenanaw! Skiniyaw Jehová pi kasikulunatlawalh chuna la liskujaw xlakata tlakg lhuwa tiku nakamakgalhtawakgeyaw (Mt 28:18-20; 1Co 3:6-9). ¿La tlan nakalimaklakaskinaw umakgolh likgalhtawakga?

Xlakata kʼuma takgalhtawakga tlakg nalatachuwinanaw, xlakaskinka nalakgpaliyaw chuna la masiyayaw. Wa xlakata, katlawa uma tuku wan akxni nalakkaxwiliya chu napulalipina akgtum takgalhtawakga:a

Kalikgalhtawakga chu katlawa takgalhskinin.
Kalikgalhtawakga textos nema lakgchan chu kamakgtaya mintamakgalhtawakgen naʼakgatekgsa tuku masiyakgo.
Kawili videos chu katlawa takgalhskinin nema limin uma likgalhtawakga.
Kaliskujti xlakata namasputuya akgtum takgalhtawakga akxni namakgalhtawakgenana.

Akxni nalichuwinana Dios, pulana kamalaknu folleto xlakata naʼakxilha komo lataman tlakg katsiputun (kaʼakxilhti recuadro «La namastaya folleto Kalipaxuwa latamat akxni xapulana wi tiku natachuwinana»). Komo nalikgalhtawakgakgoyatit putum folleto chu tamakgalhtawakgen chuntiya kgalhtawakgaputun, kamaxki libro chu katsukutit likgalhtawakgayatit takgalhtawakga 04. Komo wi tiku limakgalhtawakgepata makgtum kilikgalhtawakgakan, katsuku limakgalhtawakgeya libro Kalipaxuwa latamat. Wix nalaksaka tuku takgalhtawakga namatsukiya.

Watiya uma tamakgaxtokgat maklakaskin folleto «Kalipaxuwa latamat» xlakata namakgalhtawakgekgo uma kgawasa anta kxchik.

AKXNI AKXILHNITATA NAWAN VIDEO TUKU LITSUKU MINTAKGALHTAWAKGA XALAK BIBLIA, KAKGALHTI UMAKGOLH TAKGALHSKININ:

¿Tuku nakatsinikgo tamakgalhtawakgen kxasasti libro?
¿Tuku xlakata lu xlakaskinka nakamasiyaniya uma video tiku aku natsukuya kamakgalhtawakgeya?
¿Tuku tlan namakgpuwantiniya mintamakgalhtawakgen nema nalakgchamputun? (Kaʼakxilhti recuadro «Tuku xlakaskinka chu tuku tamakgantaxtiputun kʼakgatunu sección»).

a NOTA: Maski akxtum nalikgalhtawakgayatit sección «Tlakg kakatsini» o ni, kalakkaxwili putum tuku nalikgalhtawakgayatit. Chuna nakatsiya tuku tlakg katsiniputun mintamakgalhtawakgen chu tuku tlakg namakgtaya. Takgalhtawakga nema maktiya kmidispositivo limin tuku namalakgachayan niku wi videos chu atanu.

TUKU XLAKASKINKA CHU TUKU TAMAKGANTAXTIPUTUN KʼAKGATUNU SECCIÓN
	TAKGALHTAWAKGA	TUKU XLAKASKINKA	TUKU TLAN NATLAWA TAMAKGALHTAWAKGEN
1	01-12	Nakatsiyaw la tlan nakinkamakgtayayan Biblia chu la tlan nalakgapasaw tiku matsokgninalh.	Kamakgpuwantini mintamakgalhtawakgen nalikgalhtawakga Biblia, nalakkaxwili tuku natalikgalhtawakgaya chu naʼan ktamakxtumit.
2	13-33	Naʼakxilhaw tuku tlawanit Dios kimpalakatakan chu takaknin nema xla makgamakglhtinan.	Kamakgpuwantini nakalitachuwinan amakgapitsin xaxlikana, chu publicador nawan.
3	34-47	Nakatsiyaw tuku lakaskin Dios katlawakgolh tiku kakninanikgo.	Kamakgpuwantini namakamastani xlatamat Jehová chu natamunu.
4	48-60	Naʼakxilhaw la tlan natamakgxtakgaw kxtapaxkit Dios.	Kamasiyani naʼakxilha tuku tlan chu tuku nitlan chu xlakata la tlan nastaka xtakanajla.