TAKGALHSKININ XLAKATA BIBLIA

¿La natlawaya xlakata xatapaxuwan natawila mintamakgaxtokgat?

Tastakyaw nema masta Biblia makgtayanan xlakata xatapaxuwan natawila mintamakgaxtokgat xlakata wa xtastakyaw tiku tlawalh tamakgaxtokgat, Jehová. Kinkamakgtayayan nakgalhiyaw tayat nema namatliwakglha tamakgaxtokgat, chu na kinkawaniyan tayat nema nalakxtlawa, nachuna kinkamasiyaniyan la nalatachuwinanaw. (Kalikgalhtawakga Colosenses 3:8-10, 12-14.)

Tiku tamakgaxtokgkgonit talakaskin nalamaxkikgo kakni. Akxni tlawakgo tuku Dios kalakgayawanit kxtamakgaxtokgatkan xatapaxuwan natawilakgo. (Kalikgalhtawakga Colosenses 3:18, 19.)

¿Tuku tlawa pi akgtum tamakgaxtokgat nikxni nalakxla?

Komo lapaxkikgo nikxni katilakxlalh xtamakgaxtokgatkan. Dios kinkamasiyaniyan la paxkinankan. Jehová chu xkgawasa, lu tlan liʼakxilhtit kinkamasiyanikgoyan xlakata xaxlikana tapaxkit. (Kalikgalhtawakga 1 Juan 4:7, 8, 19.)

Komo chixku chu puskat naʼakxilhkgo tamakgaxtokgat la xtamaskiwin Dios, nikxni katilamakgxtakgkgolh. Dios lakaskin pi tamakgaxtokgat nikxni nalakxla, xlakata tlan natawila familia. Dios tlawalh chixku chu puskat xlakata xlamakgatsikgolh chu tlan xlamamakgkatsinikgolh. Chu katlawalh xlakata nachuna nawankgo la Dios, uma wamputun pi tlan nakalimasiyanikgo amakgapitsin xtapaxkitkan. (Kalikgalhtawakga Génesis 1:27 chu 2:18, 24.)