Kuentajkatlawa mintamakgaxtokgat

Jehová lu xlakaskinka akxilha tuku lamalaknunikgo tiku tamakgaxtokgkgo chu wan pi putum kilhtamaku akxtum xlitawilatkan (Mt 19:5, 6). Kxkachikin Jehová anankgo lhuwa tamakgaxtokgat tiku lu paxuwakgo. Pero putum kgalhikgo talakgalhin chu wa xlakata kgalhikgo taʼakglhuwit. Nikxni kalakpuwaw pi xlakata nalakkaxtlawakan taʼakglhuwit talakaskin nalamakgxtakgkan o nalakxtlawakan tamakgaxtokgat. ¿La tlan nakuentajtlawakgo kstalaninanin Cristo xtamakgaxtokgatkan?

Kaʼakxilhwi pulakkitsis tastakyaw.

1. Kuentajkatlawa minaku chu niti kalimasiyani pi lakgatiya chu ni kalilakgastananti niku tasiya talakgxtumit nema ni xlitatlawat. Uma tlawa pi tamakgaxtokgat ni tliwakga natawila (Mt 5:28; 2Pe 2:14).

2. Kamatliwakglhti chuna la talalipina Jehová chu kaliskujti pi mintamakgaxtokgat namakgapaxuwa Jehová (Sl 97:10).

3. Chuntiya kalilhakgananti xasasti tayat chu wi tuku katlawa xpalakata tiku tamakgaxtokga xlakata tlakg napaxuwa (Col 3:8-10, 12-14).

4. Ankgalhin liwana katachuwinanti tiku tamakgaxtokga chu kamaxki kakni (Col 4:6).

5. Kalimasiyani tapaxkit akxni natalakgxtupiyatit (1Co 7:3, 4; 10:24).

Akxni kstalaninanin Cristo maxkikgo kakni tamakgaxtokgat, wa maxkimakgo kakni tiku malakatsukilh, Jehová.

AKXNI AKXILHNITATA NAWAN VIDEO NI NATAXLAJWANIYAW AKXNI NAKGOSNANAW: KAKGOSNAW CHUNA LA TALAKKAXWILINIT, KAKGALHTI UMAKGOLH TAKGALHSKININ:

• 

  Maski akgtum tamakgaxtokgat xapulana tlan latalalinkgo, ¿tuku taʼakglhuwit max naʼanan?

• 

  ¿La tlan nakamakgtaya xtastakyaw Biblia tiku makgkatsikgo pi ni kgalhikgo tapaxkit kxtamakgaxtokgatkan?

• 

  ¿Tuku tastakyaw kamaxki Jehová tiku makgaxtokgkgo?

• ¿Tuku xlitlawatkan xachixku chu xapuskat xlakata naʼanan tapaxuwan kxtamakgaxtokgatkan?