TAKGALHSKININ XLAKATA BIBLIA
¿Tiku ankgo kʼakgapun chu tuku xlakata?
Lhuwa millón latamanin amputunkgo kʼakgapun akxni nanikgo. Jesús kawanilh xʼapóstoles pi anta xʼamakgolh latamakgo. Akxni xlamajku, kawanilh pi xʼama lakkaxtlawa akgtum putawilh xlakata natatawilakgo xTlat. (Kalikgalhtawakga Juan 14:2.)
¿Tuku xlakata nalakastakwanankgo makgapitsi latamanin kʼakgapun? ¿Tuku natlawakgo anta? Jesús kawanilh xʼapóstoles pi mapakgsinanin xʼamakgolh wankgo, wa xmapakgsinankgolh kKatiyatni. (Kalikgalhtawakga Lucas 22:28-30 chu Apocalipsis [Revelación] 5:10.)
¿Putum ankgo kʼakgapun tiku tlan likatsikgo?
Chuna la akgtum país ni chalhuwa tiku mapakgsinankgo, nachuna ni lhuwa tiku namapakgsinankgo kKatiyatni tiku Jesús kalaksakli xlakata nalakastakwanankgo kʼakgapun (Lucas 12:32). Biblia kinkawaniyan niku kgalhlit. (Kalikgalhtawakga Apocalipsis [Revelación] 14:1.)
Jesús kakaxwilininit kstalaninanin akgtum putawilh kʼakgapun. ¿Katsiya tuku natlawakgo?
Maski ni lhuwa tiku naʼankgo kʼakgapun, ni kaj xakstukan nakgalhikgo lu tlan latamat. Tiku nakgalhakgaxmatkgo xtamapakgsin Jesús tlan nalatamakgo xliputum kilhtamaku xakastlan paraíso kKatiyatni (Juan 3:16). Makgapitsi tlan nalatamakgo kparaíso xlakata nalakgtaxtukgo akxni namasputukan uma lixkajni kakilhtamaku chu amakgapitsi xlakata anta nalakastakwanankgo. (Kalikgalhtawakga Salmo 37:29 chu Juan 5:28, 29.)