TAKGALHSKININ XLAKATA BIBLIA
¿Tuku natlawa Jesús kilhtamaku nema aku mima?
Kkata 33, nilh Jesús, malakastakwanika chu alh kʼakgapun. Titaxtulh lhuwa ciento kata, Jesús mapakgsina tlawaka (Daniel 7:13, 14). Kilhtamaku nema aku mima, Jesús nawili takaksni kKatiyatni chu namasputu talimaxkget. (Kalikgalhtawakga Salmo 72:7, 8, 13.)
Akxni namapakgsinan Jesús nialh katiʼanalh tuku ni xaʼakgstitum kKatiyatni
Jesús natlawa tuku lu tlan xpalakata latamanin akxni namapakgsinan kKatiyatni. Namaklakaskin litliwakga nema maxkinit xTlat xlakata latamanin nialh nakgalhikgo talakgalhin. Putum nalipaxuwakgo xlatamatkan kKatiyatni nikxni katikgolonkgolh chu ni katinikgolh. (Kalikgalhtawakga Juan 5:26-29 chu 1 Corintios 15:25, 26.)
¿Tuku tlawama Jesús la uku?
La uku Jesús pulalima la talichuwinama Dios xlikalanka katiyatni nema tlawakgo kstalaninanin. Xlakan kalakgapaxialhnankgo latamanin chu kamasiyanikgo tuku wan Biblia xlakata xTamapakgsin Dios. Jesús kawanilh kstalaninanin pi xʼama kamakgtaya kʼuma taskujut asta akxni xtawi xTamapakgsin Dios, xlakgxokgo xtamapakgsinkan latamanin. (Kalikgalhtawakga Mateo 24:14 chu 28:19, 20.)
Jesús limaklakaskima congregación xlakata nakapulalin xkachikin kxatlan latamat. Xla chuntiya nakinkamakgtayayan xlakata tlan nalakgtaxtuyaw akxni namasputu uma kakilhtamaku, chu tlan natanuyaw kparaíso kakilhtamaku nema malaknu Dios. (Kalikgalhtawakga 2 Pedro 3:7, 13 chu Apocalipsis 7:17.)