TAKGALHSKININ XLAKATA BIBLIA
¿Wa wilinit Dios putum takanajla?
Akxni kgaxmata noticias, max akxilhnita pi lakgachunin limaklakaskinkan takanajla xlakata natlawakan tuku lu nitlan. Lhuwa takanajla nema anan, ni wa wilinit Dios (Mateo 7:15). Atsinu ni putum latamanin kaʼakgskgawikgokanit. (Kalikgalhtawakga 1 Juan 5:19.)
Pero, Dios katsi pi wilakgolh latamanin tiku paxkikgo xaxlikana chu tuku xaʼakgstitum (Juan 4:23). Wa xlakata kawani pi kaputsakgolh xaxlikana kxtachuwin, Biblia. (Kalikgalhtawakga 1 Timoteo 2:3-5.)
¿Tuku nalilakgapasa xaxlikana takanajla?
Jehová tlawama pi latamanin tiku tanu tanu xkgalhikgo xtakanajlakan makxtum natawilakgo la uku. ¿La tlawama? Kamasiyanima xaxlikana chu la nalapaxkikgo (Miqueas 4:2, 3). Wix tlan nakatsiya tiku makgtapakgsikgo kxaxlikana takanajla, xlakata la lalikatsinikgo. (Kalikgalhtawakga Juan 13:35.)
Jehová limaklakaskin xaxlikana takanajla xlakata nakamamakxtumi latamanin. (Salmo 133:1)
Xaxlikana kskujnin Dios kanajlakgo tuku wan Biblia chu kgalhakgaxmatkgo xlimapakgsin (2 Timoteo 3:16). Maxkikgo kakni xtukuwani Dios (Salmo 83:18). Nachuna, lichuwinankgo pi xTamapakgsin Dios wa tlan nakamaxki takgalhkgalhin latamanin (Daniel 2:44). Nachuna tlawakgo la tlawalh Jesús, kamakgtayakgo xtalatamankan (Mateo 5:16). Tlan kalilakagapaskan akxni kalakgankgo xtalakatsujkan chu kalitachuwinankgo tuku natlawa xTamapakgsin Dios. (Kalikgalhtawakga Mateo 24:14; Hechos 5:42 chu 20:20.)