Xasasti tiku na litaxtu Lakgkgolotsin Tiku Pulalinkgo Xtatayananin Jehová

TSISA miércoles 24 xla enero kata 2018, kamakatsinika familia Betel xla Estados Unidos chu xalak Canadá: pi tala Kenneth Cook, xakgawasa, xasasti tiku na makgtapakgsilh Lakgkgolotsin Tiku Pulalinkgo Xtatayananin Jehová.

Tala Cook lakachilh chu makgastakka kPensilvania (Estados Unidos). Lakgapasli tuku xaxlikana xlakata chatum xcompañero tiku xtaʼan kʼescuela secundaria masiyanilh chu tamunulh 7 xla junio kata 1980. Tsukulh skuja la precursor regular 1 xla septiembre kata 1982. Titaxtulh akgtiy kata, alh skuja kBetel. Tsukulh skuja kWallkill (Nueva York) 12 xla octubre kata 1984.

Lata 25 kata titaxtulh, tala Cook lhuwa taskujut kgalhilh la kʼimprenta chu kʼOficina de Betel. Kata 1996, tatamakgaxtokgli chatum tala wanikan Jamie, tiku tsukulh taskuja kWallkill. Papaʼ xla diciembre kata 2009, kamalakgachaka kCentro Educativo de la Watchtower kPatterson, niku lakgayawaka tala Cook departamento de Correspondencia de Redacción. Papaʼ xla abril kata 2016, taspitpa kWallkill, niku kamalakgachaka kBrooklyn. Titaxtulh akgkitsis papaʼ kamalakgachaka kxasasti niku pulalinkan taskujut xla xtatayananin Jehová kWarwick. Papaʼ xla enero kata 2017, lakgayawaka pi nakamakgtaya Comité de Redacción xla Lakgkgolotsin tiku pulalinanakgo.