La tlan nawanaw akxni namakgpitsiyaw revistas
® Junio
«¿Kgalhskinkanita tuku xlakata Dios masta talakaskin pi kaʼanalh tapatin? [Kamaxki talakaskin nakgalhtinan.] Kaʼakxilhti la lichuwinalh chatum tiku tsokgli Biblia xlakata uma takgalhskinin nema tlawakgo lhuwa latamanin [kalikgalhtawakga Salmo 10:1]. Uma revista lichuwinan tuku wan Biblia xlakata Dios mastama talakaskin kaʼanalh tapatin chu tuku natlawa xlakata namalakgsputu.»
Junio
«Lhuwa takanajla matajinankgo akxni kamunukan kamanan, akxni tamakgaxtokgkan chu tuku tlawakgo akxni wi tiku ni. ¿Wix la akxilha uma? [Kamaxki talakaskin nakgalhtinan.] Kaʼakxilhti uma tuku Jesús kawanilh kstalaninanin [kalikgalhtawakga Mateo 10:7, 8b]. ¿Tuku wan Biblia xlakata matajinankan akxni kamakgtayakan latamanin xlakata xtakanajlakan? Uma revista kpágina 22 nawaniyan tuku wan Biblia.»
® Julio
«Lhuwa takanajla tiku xwankgo pi nitlan talakgalhin, la uku nialhtu wankgo. ¿Tuku lakpuwana wix? ¿Nalilakgaputsayaw o nalipuwana xlakata uma? [Kamaxki talakaskin nakgalhtinan. Alistalh kalikgalhtawakga Romanos 5:12.] Uma revista lichuwinan tuku wan Biblia xlakata talakgalhin.»
Julio
«Xlakata uku ni akchan tumin tlawa pi lhuwa latamanin ni katsikgo tuku natlawakgo. Tiku ni kgalhi taskujut ni katsi tuku natlawa chu tiku kgalhi taskujut pekuan namakgatsankga xtaskujut. ¿La akxilha uma tastakyaw, lakpuwana pi nakinkamakgtayayan akxni chuna makgkatsiyaw? [Kalikgalhtawakga Mateo 6:34. Alistalh kamaxki talakaskin nakgalhtinan.] Uma revista kinkawaniyan la tlan namaklakaskinaw kintuminkan chu tuku natlawa pi tlan namakgkatsiyaw.»