Tuku kalimakgtayakan kstalaninanin Cristo
1. ¿Tuku tsukuka tlawakan kata 1938, chu tuku xlakata?
1 Kata 1938, xkachikin Jehová matsukikgolh laklanka tamakxtumit, chu anta xtamakxtumikgo lhuwa congregaciones. ¿Tuku xlakata? Informador (uku wanikan, La Natlawayaw xTaskujut Dios) xla enero kata 1939 (xaʼinglés) chuna wa: «Umakgolh laklanka tamakxtumit wa tuku lakkaxwilinit xKachikin Jehová xlakata tlan natatlawa taskujut xlakata Tamapakgsin. Tuku masiyakan lu kamakgtaya putum tiku liwana tlawaputunkgo taskujut nema lakgayawakanit». Kata 1938 xwilakgo 58,000 tiku lichuwinankgo xTamapakgsin Dios chu kata 2009 liwaka akgtujun millón, akxni akxilhaw la talhuwinit tiku lichuwinankgo Dios liwana limasiya pi uma laklanka tamakxtumit kamakgtayama xlakskujnin Dios xlakata «natlawakgo taskujut nema lakgayakgo».
2. ¿Tuku nalichuwinankan ktamakxtumit xaʼakgtiy kilhtamaku xla septiembre asta agosto kata 2011?
2 Xtema tamakxtumit nema nakgalhiyaw. Lu lipaxuw kgalhkgalhimaw lanka tamakxtumit nema natsuku kseptiembre, chu la nakinkamatliwekglhkgoyan kstalaninanin Cristo. Tema takilhtinit Juan 15:19: «Ni xala katuxawat [o kakilhtamaku] wixin». ¿Tuku nalichuwinankgo taʼakgchuwin nema nakamakgtaya xlakskujnin Dios? Sábado, nalichuwinankan la kinkamakgtayayan putum kilhtamaku naskujnaniyaw Dios. Na natawila akgtutu taʼakgchuwin nema nakinkamakgtayayan naʼakxilhaw la xlilakaskinka ni nakinkamaxkajwiyan «animalh [o lapanit]», «lanka makuana» o wantiku katatalakgxtumi lhuwa lakchixkuwin chu «stananin xala katiyatna». Domingo, natawilaparakgo atanu taʼakgchuwin niku nakinkawanikanan pi napaxkiyaw Jehová chu ni kakilhtamaku. Amakgapitsi taʼakgchuwin nakinkamakgtayayan ni namakgtanuyaw kʼuma kakilhtamaku xlakata tsinu kilhtamaku lamaw unu chu ni napekuanaw xlakata tlan namakgatlajayaw kakilhtamaku.
3. ¿La nakinkamakgtayayan tamakxtumit xaʼakgtiy kilhtamaku komo naʼanaw?
3 Akxni aku xkilanit ktamakxtumit xaʼakgtiy kilhtamaku chatum tala nema nialh lu xʼan lichuwinan Dios tsokgli pi tamakxtumit xmakgtayanit xlakata naʼakxilha la xwi xlatamat chu nalakapastaka «naʼan lichuwinan Dios chu nialhtu nalimawaka xlakata ni nataxtu». Xlikana, tuku nalichuwinankan ktamakxtumit xaʼakgtiy kilhtamaku nakinkamakgtayayan xlakata nalimasiyayaw tapaxkit nema kgalhiniyaw Jehová chu ni kakilhtamaku (1 Juan 2:15-17). Kalakkaxwili xlakata anta natawilaya chu kuenta natlawaya xlakata liwana nalitamakgtayaya uma tuku kamaxkikan tiku lichuwinankgo xTamapakgsin Dios.