Kakuentajtlawaw tuku lakpuwanaw

1. ¿Tuku xtema tamakxtumit xaʼakgtiy kilhtamaku xla kata 2013, chu la nakinkamakgtayayan?

¹ Jesús kamasiyanilh kstalaninanin napaxkikgo Jehová xliputum xnakujkan, xlatamatkan chu xtalakapastaknikan (Mat. 22:37, 38). Tamakxtumit xla uma kata nakinkamakgtayakgoyan xlakata tlan natawila kintalakapastaknikan. Kalakapastaktit pi xtema tamakxtumit xaʼakgtutu kilhtamaku wanika «Kuenta katlawaw kinakujkan». Tamakxtumit xaʼakgtum kilhtamaku xla kata 2013 wanikan «Kakuentajtlawaw kintalakapastaknikan», chu tamakxtumit xaʼakgtiy kilhtamaku natsuku papaʼ nema mima, wanikan «Kakuentajtlawaw tuku lakpuwanaw», takilhtinit kMateo 22:37. Klakpuwanaw pi uma tamakxtumit xaʼakgtiy kilhtamaku nakinkamaʼakxilhniyan la wi kintalakapastaknikan chu nakinkamakgtayayan xatlan talakapastakni nakgalhiyaw kxlakatin Jehová.

2. ¿Tuku natakgalhti kprograma?

² Tuku natalichuwinan. Akxni nakgalhsputa tamakxtumit xaʼakgtiy kilhtamaku, kalakapastakwi tuku tlakg xlakaskinka masiyaka. Wa xlakata talakaskin natsokgwiliyaw xtakgalhtin umakgolh takgalhskinin:

• Tuku natlawayaw xlakata ni chuna nalakpuwanaw la kakilhtamaku?

• ¿La nakamakgtayayaw latamanin xlakata nakalakgchan xmakgaxkgakgat Dios?

• ¿La kililakapastaknatkan?

• ¿La kinkamakgtayayan komo liwana nalakapastakaw tuku likgalhtawakgayaw?

• ¿La namastayaw talakaskin pi Jehová nalakgpali kintalakapastaknikan?

• ¿Tuku tlan natlawakgo lakchixkuwin, lakpuskatin, natlatni chu kamanan xlakata xatapaxuwan natawila familia?

• ¿Tuku natlawayaw xlakata skgalalh wilaw nawan akxni namin xkilhtamaku Jehová?

• ¿Tuku wamputun namatliwakglhaw kintapuwankan xlakata naskujnaniyaw Dios?

• ¿Tuku tlan kakitaxtuni tiku lilatamakgo tuku katsinikgo?

3. ¿Tuku xlakata lu xlakaskinka naʼanaw ktamakxtumit xaʼakgtiy kilhtamaku, liwana nakgaxmataw chu nalitamayaw tuku nakatsiniyaw?

³ Satanás laktlawaputun kintalakapastaknikan chu putum xlitliwekge maklakaskima xlakata nakinkalaktlawaniyan (2 Cor. 11:3). Wa xlakata kilikuentajtlawatkan tuku lakpuwanaw, natlajayaw kintalakapastaknikan nachuna natlawayaw la Cristo chu nalakgmakganaw xtalakapastakni kakilhtamaku (1 Cor. 2:16). Fuerza katlawaw xlakata anta natawilayaw akgtiy kilhtamaku chu liwana kakgaxmatwi tuku nalichuwinankan. Komo nalilatamayaw tuku nakinkamasiyanikanan namatliwakglha kintapuwankan xlakata lhuwa nalichuwinanaw xTamapakgsin Dios (1 Ped. 1:13).