La tlan nawanaw akxni namakgpitsiyaw revistas

® 1 xla octubre

«Makgapitsi latamanin tlawakgo tuku lu nitlan anta xtukuwani takanajla. ¿Tuku xlakata lakpuwana pi chuna tlawakgo? [Kamaxki talakaskin nakgalhtinan.] Kaʼakxilhti tuku wan Biblia [kalikgalhtawakga 1 Juan 4:1]. Chuna la akxilha lu xlakaskinka natamalakxtumiyaw tuku kanajlayaw chu tuku wan Biblia.» Kamasiyani revista kpágina 19.

Octubre

«Wilakgo latamanin tiku wankgo pi Dios kaj akgtum litliwakga nema nila akxilhaw, chu makgapitsin lakpuwankgo pi xastakna chu makgkatsi tuku lama. ¿Tuku xwanti wix? [Kamaxki talakaskin nakgalhtinan.] Klikgalhtawakganiputunan uma xlakaskinka tachuwin [kalikgalhtawakga 1 Pedro 5:6, 7]. Uma revista kpágina 29 limin textos niku masiya pi Dios ni kaj akgtum litliwakga.»

® 1 xla noviembre

«Lhuwa millón latamanin maski tanu tanu xtakanajlakan tlawakgo oración chali chali. ¿Lakpuwana pi Dios kgaxmata umakgolh oraciones? [Kamaxki talakaskin nakgalhtinan.] Biblia masiya pi Dios lakaskin natlawaniyaw oración [kalikgalhtawakga Filipenses 4:6, 7]. Uma revista lichuwinan la kilitlawatkan oración xlakata Dios nakinkakgaxmatniyan.»

Noviembre

«Tiku ni kanajlakgo pi anan Dios wankgo pi tlakg tlan xlatamaw komo ni xʼanalh takanajla, makgapitsin chuna wankgo, xlakata akxni tlawakan tuku nitlan maklakaskinkan kxtukuwani Dios. ¿Xlikana uma? [Kamaxki talakaskin nakgalhtinan.] Pulana, kimaxki talakaskin nakmasiyaniyan tuku xlakata lhuwa takanajla tlawakgonit pi kaʼanalh lhuwa tapatin [kalikgalhtawakga 2 Timoteo 4:3, 4]. Pero nachuna, tuku wankgo tiku ni kanajlanikgo Dios ni putum tlan. Uma revista lichuwinan makgapitsin.»