La tlan nawanaw akxni namakgpitsiyaw revistas
® 1 xla enero
«Lhuwa latamanin wankgo pi katachuwinankgonit espíritus. ¿Nachuna lakpuwana? [Kamaxki talakaskin nakgalhtinan.] Biblia kinkawaniyan pi tlan natachuwinanaw Dios tiku kgalhi xliputum litliwakga chu ni talakaskin atanu tiku natachuwinanaw. Nakmasiyaniyan tuku wan [kalikgalhtawakga 1 Juan 5:14]. Uma revista lichuwinan pi lu xlilakaskinka kajwatiya natachuwinanaw.» Kamasiyani artículo xalak página 7.
Enero
«Makgapitsi latamanin wankgo pi tiku kanajlanikgo Dios chuna kanajlakgo kaj xlakata lakpuwankgo pi anan chatum Dios chu ni katsikgo komo xlikana. Chu wix, ¿tuku lakpuwana? [Kamaxki talakaskin nakgalhtinan.] Nakmasiyaniyan kBiblia niku masiya pi ni kaj akglakgwa nakanajlayaw [kalikgalhtawakga 1 Juan 4:1]. Artículo xalak página 28 lichuwinan la tlan liwana nakatsiyaw pi ni kaj akglakgwa kanajlayaw.»
® 1 xla febrero
«Lhuwa latamanin wankgo pi jardín xaʼEdén nikxni analh, pi kaj taʼakgsanin. Pero uma xkitaxtulh pi Adán chu Eva nikxni latamakgolh. ¿Xkatsiya wix pi Jesús wa pi Adán chu Eva xlikana latamakgolh? [Kamaxki talakaskin nakgalhtinan. Alistalh kalikgalhtawakga Mateo 19:4-6.] Uma revista kakgalhti makgapitsi takgalhskinin xlakata Adán chu Eva.»
Febrero
«¿Kgaxpatnita pi la uku tlakg talichuwinan xlakata vampiros, skuwananin chu skgoyonanin? ¿Lakpuwana pi nitu kintikaʼakgspulan komo namakgtanuyaw ktaskuwan? [Kamaxki talakaskin nakgalhtinan.] Kaʼakxilhti tuku Dios kawanilh xkachikin Israel pi ni xtlawakgolh [kalikgalhtawakga Deuteronomio 18:10-12]. Uma revista lichuwinan tuku wan Biblia xlakata taskuwan.»