La tlan nawanaw akxni namakgpitsiyaw revistas

® 1 xla febrero

«¿Lakpuwana wix pi Biblia wa xTachuwin Dios o lakpuwana pi kaj maktum lu tlan libro? [Kamaxki talakaskin nakgalhtinan.] Wi tuku lu xlakaskinka klitachuwinamputunan xlakata uma». Kamasiyani kpágina 22, kamasiyani xapulana takgalhskinin chu kilikgalhtawakgani xapulana párrafo chu kaputsa texto nema anta wi. Kalikgalhtawakganipara takgalhskinin chu kawanin tuku lakpuwan. Wix kaʼakxilhti la xlilhuwa tlan nalitachuwinana, chuna la wilakgolh takgalhskinin chuna kakgalhskinti. Akxni pimpata, katlawani akgtum takgalhskinin chu kawani tukuya kilhtamaku nataspitparaya.

Febrero

«Xlakata Biblia lu makgasa tlawakanit, wi tiku lakpuwankgo pi Biblia akgtsankga akxni lichuwinan xlakata tuku wankgo científicos. ¿Tuku lakpuwana wix? [Kamaxki talakaskin nakgalhtinan.] Lhuwa kaks lilakawankgo akxni kgaxmatkgo uma tuku wan Biblia [kalikgalhtawakga Isaías 40:22]. Artículo xla página 22 kgalhtinan uma takgalhskinin “¿Tatalakxtumi tuku masiya tuku wankgo científicos chu Biblia?”.»

® 1 xla marzo

«¿Nixlikana pi la uku lhuwa latamanin lakxtlawakgo xtamakgaxtokgatkan kxlakatin mapakgsinanin? ¿Tuku xlakata chuna lama? [Kamaxki talakaskin nakgalhtinan.] Lhuwa tamakgaxtokgat kamakgtayanit uma tastakyaw [kalikgalhtawakga 1 Corintios 10:24]. Uma revista lichuwinan pulakchaxan tuku litaʼakglhuwikgo tiku tamakgaxtokgkgonit chu na masiya la makgtayanan nakgalhakgaxmatkan tuku wan Biblia.»

Marzo

«Xlakata tatatlakgo lhuwa latamanin, kkalimatliwakglhputunaw uma texto xalak Biblia [kalikgalhtawakga Isaías 33:24]. Akxni nakgantaxtu uma tamalaknun, ¿la lakpuwana pi nawan latamat? [Kamaxki talakaskin nakgalhtinan.] Pero komo nina chinit uma kilhtamaku, kimputumkan tlan naputsayaw la ni lu natatatlayaw. Uma revista kinkawaniyan la natlawayaw.»