La tlan nawanaw akxni nalichuwinanaw Dios
La tlan nawanaw akxni natsukuyaw li makgalhtawakgananaw xapulana sábado xla febrero
«Makgapitsi latamanin tiku kalitachuwinankgoyaw Biblia kanajlakgo pi xtachuwin Dios pero makgapitsi ni chuna lakpuwankgo pi lu xlakaskinka. Chu wix, ¿tuku lakpuwana?» Kamaxki talakaskin nakgalhtiyan. Alistalh kamasiyani xaʼawatiya página nema limin revista Makatsinina 1 xla febrero chu katalikgalhtawakga xapulana takgalhskinin chu kamasiyani maski kaj akgtum texto. Kamaxki revista chu kawani pi napimparaya xlakata nakgalhtiya atanu takgalhskinin xla uma página.
Makatsinina 1 xla febrero
«Putum akinin lakaskinaw pi kasputli guerra, ¿ni xlikana? Pero ¿lakpuwana pi nasputa? [Kamaxki talakaskin nakgalhtinan.] Kakxilhti tuku wan Biblia [kalikgalhtawakga Salmo 46:9]. Maski ni kanajlaputunaw, pero tuku titaxtulh akxni nina xla xaPulana Guerra xLikalanka Katiyatni chu akxni titaxtukgolh kinkamatliwakglhan xlakata tuku wanit Dios pi natlawa. Uma revista wa uma tuku kinkalitachuwinanan.»
¡Despertad! Febrero
«La uku kkalakgapaxialhnaman chu kkalitachuwinamputunan tuku latamanin lu lilakgaputsakgo. Lhuwa latamanin wankgo pi ni kaʼakchani kilhtamaku. ¿Tuku xlakata chuna la, xlakata lhuwa kilitlawatkan o kaj ni liwana maklakaskinaw kinkilhtamakujkan? [Kamaxki talakaskin nakgalhtinan.] Lhuwa latamanin ni katsikgo pi Biblia kinkamaxkiyan lu tlan tastakyaw xlakata liwana namaklakaskinaw kinkilhtamakujkan. Wa uma pulaktum [kalikgalhtawakga Filipenses 1:10a]. Uma revista limin pulaktati la tlan liwana namaklakaskinaw kinkilhtamakujkan xlakata nakinkaʼakchaniyan.»