Niku tamasta xtakgalhtin akgtum takgalhskinin

◼ ¿La xlilhuwa nalimakgalhtawakgayaw Biblia tiku tlan stakma xtakanajla?

Akxni wi tiku stakma xtakanajla tlakg tlan komo namakgalhtawakgeyaw asta namasputukgo libros ¿Tuku xlikana masiyay Biblia? chu «Katamakgxtakgtit kxtapaxkit Dios». Chuntiya natlawayaw maski tiku kgalhtawakgama natamunu akxni nina masputu umakgo libros. Tlan chuntiya naputlakgeya kilhtamaku, revisita chu estudio maski tamununita. Chu komo nakinkataʼanan atanu tala chu nakinkamakgtayayan akxni makgalhtawakgemaw na tlan naputlakge xkilhtamaku (kaʼakxilhti Nuestro Ministerio del Reino xla marzo kata 2009 kpágina 2).

Lu xlakaskinka pi tiku xalaksasti liwana nakatsikgo tuku xaxlikana xlakata alistalh tlan nialh namakgalhtawakgaya. Talakaskin pi tlan “katankgaxekglakgolh” Cristo chu “lakatanks natawilakgo kxtakanajlakan” xlakata tlan natayanikgo taʼakglhuwit nema max nakgalhikgo (Col. 2:6, 7; 2 Tim. 3:12; 1 Ped. 5:8, 9). Nachuna, talakaskin pi liwana «nalakgapaskgoy wa ntalulokgtat», o xaxlikana, xlakata liwana nakamasiyanikgo amakgapitsin (1 Tim. 2:4). Akxni maktiy libro kalimakgalhtawakgayaw, kamakgtayamaw liwana nakatsikgo «xatiji, na luwa titsu wa ntu an klatamat» (Mat. 7:14).

Akxni wi tiku tamunuputun, lakgkgolotsin naʼakxilhkgo komo liwana akgatekgsa, o makgachakgxi, tuku lu xlakaskinka masiyay Biblia chu lilatama tuku katsininit. Tlakg liwana xliʼakxilhatkan komo tiku tamunuputun nina masputu maktum libro. Komo wi tiku nina makgatsi tuku taskin xlakata natamunu, lakgkgolotsin nakaputsakgo tiku tlan namakgtaya xlakata alistalh tlan natamunu (kaʼakxilhti folleto “Kapitit, na kamasiyunikgotit, kakamunutit”, páginas 58 asta 60).

[Blurb on page 2]

Lu xlakaskinka pi tiku xalaksasti liwana nakatsikgo tuku xaxlikana